2 Samuel 18:24

Ñanderuete Ñe’ẽ Porã 2015

Ha David oguapyhína pe táva rokẽ ogaguýpe. Ha pe guárdia oñangarekóva pe távare, oguata jave pe táva tápia yvate ári pe táva okẽguasu gotýo, ojesaupívo oma’ẽ, ha ohecha peteĩ oúva oñanívo ha’eño.

Referencias Cruzadas

2 Samuel 13:34

Absalon katu okañy. Ha pe ma’ẽhára oñangarekóva pe távare, oma’ẽ porãvo ohecha heta tetãygua ouvahína cérrogui.

2 Samuel 18:23

Ha ha’e he’i jevy: Taha’e ha’e háicha, che aháta. Upémaramo Joab he’i ichupe: Tereho. Ahimaas katu oho pe yvype tape rehe, ha ohasa pe Etiopiaygua renonderãme.

2 Samuel 18:25

Ha pe táva guárdia osapukái ha omomarandu tetã ruvichápe. Ha tetã ruvicha he’i: Ou ramo ha’eño ogueru marandu porã, ha upeaja ha’e oñemoag̃ui oúvo,

2 Samuel 18:4

Upéramo tetã ruvicha he’i ichupekuéra: Che ajapóta peẽme iporãve háicha. Ha tetã ruvicha oñemoĩ táva rokẽ renondépe, isoldadokuéra osẽ aja aty atýpe, 100 ha 1000 kuimba’e reheguáva.

2 Samuel 19:8

Upémaramo tetã ruvicha opu’ã ha oguapy pe táva rokẽme, ha oñemomarandu opaite tetãyguakuérape, oje’évo: Péina ápe tetã ruvicha oguapyhína pe táva rokẽme. Ha opaite soldadokuéra ou tetã ruvicha rendápe; ambue Israelguakuéra ohopáma katu hogakuérape.

1 Samuel 4:13

og̃uahẽ pe araitépe Sílope, Eli oguapy aja iguapyhápe, pe táva rokẽ ykére, oma’ẽvo tape rehe ipy’a ryryihápe Ñanderuete karameg̃ua rehe, upérõ pe Benjamingua omombe’upa umi mba’e ojehúva Siloguakuérape ha ohendupa rire osapukái hatãiterei hikuái.