2 Samuel 18:20

Ñanderuete Ñe’ẽ Porã 2015

Joab he’i jevy: Che ndaipotái nde reho remombe’u hag̃ua tetã ruvichápe ita’ýra Absalon omano hague ko árape, ambue árape rehokuaa.

Referencias Cruzadas

2 Samuel 18:19

Upémaramo Ahimaas, Sadoc ra’y, he’i: Añaníta ko’ág̃a, ame’ẽ hag̃ua tetã ruvichápe ko marandu Ñanderuete voi osalva hague ichupe mayma hese ija’e’ỹva pógui.

2 Samuel 18:21

Ha Joab ohenói peteĩ Etiopiayguápe ha he’i: Tereho nde, ha ere tetã ruvichápe rehechava’ekue. Ha pe Etiopiaygua ojeity Joab renondépe, ha upéi oñani.

2 Samuel 18:27

Ha pe soldádo he’i jevy: Pe tenonderã oñaníva ojoguaiterei chéve Ahimaas, Sadoc ra’y ñaníme. Ha he’i tetã ruvicha: Péva kuimba’e heko porãva, ha ouhína marandu porã reheve.

2 Samuel 18:29

Ha tetã ruvicha oporandu: Oĩ porãpa che ra’y Absalon. Ha Ahimaas he’i jevy: Che ahendu peteĩ sapukaiguasu Joab chemondo ramoguare tetã ruvicha rendápe, ndaikuaáinte katu mba’épa upéva.

2 Samuel 18:33

Upévo tetã ruvicha iñangekõi ha ojupi pe koty oĩva táva rokẽguasu ariguápe, ojahe’o hag̃ua, ha he’i: Che ra’y Absalon, che ra’y, che ra’y Absalon. Mba’éicha tamora’e amano che ne rendaguépe, Absalon, che ra’y, che ra’y.

2 Samuel 18:5

Ha tetã ruvicha he’i Joab, Abisai ha Itaípe: Peiporiahuverekókena pe mitãrusu Absalónpe. Ha mayma tetãyguakuéra ohendu pe tetã ruvicha he’íva imburuvichakuérape ita’ýra Absalon rehe.

2 Samuel 19:1

Upéi oñemomarandu Joábpe: Péina tetã ruvicha hasẽ, ha omba’embyasy Absalon rehe.