2 Samuel 18:2

Ñanderuete Ñe’ẽ Porã 2015

Upérõ David omboja’o iñorãirõharakuéra mbohapy atýpe: Peteĩ aty opyta Joab poguýpe; ambue aty opyta Abisai, Sarvia memby poguýpe; ha ambue aty opyta Itai, Gatgua poguýpe. Ha tetã ruvicha he’i hetãyguakuérape: Che avei asẽta penendive.

Referencias Cruzadas

2 Samuel 17:11

Che ningo ha’e ndéve embyaty hag̃ua opaite Israelgua nendive, Dan guive Beerséba peve, hetaitereíta ku yvyku’i yguasu rembe’y peguáicha, ha ndete voi reho emoakã raku ichupekuéra pe ñorãirõrãme.

2 Samuel 21:17

Ha Abisai, Sarvia memby, og̃uahẽ oipytyvõ hag̃ua ichupe, ha oikutu pe Filisteayguápe ha ojuka ichupe. Upémaramo David irũnguéra oñe’ẽme’ẽvo he’i ichupe: Araka’eve ko ára guive tenonderã gotýo neresẽmo’ãvéima orendive ñorãirõme, aníntemo rembogue Israel resapeha.

2 Samuel 23:18

Abisai, Joab pehẽngue, Sarvia memby, omyakã ko’ã 30-pe. Ha’e omopu’ã ijyvyra puku akua 300 hese ija’e’ỹva rehe, ha ojukapa ichupekuéra, oñemoherakuã porã avei ichupe ko’ã mbohapy apytépe.

2 Samuel 8:16

Joab, Sarvia memby, oiko isoldádo aty ruvichaguasu ramo ha Josafat, Ahilud ra’y, oiko ñorãirõ haihára ramo,

1 Réyes 2:28

Ko’ã mba’e oñemombe’u Joábpe; ha’e omoirũkuri avei Adoníaspe, jepevémo noñemoĩri Absalon ykére. Ha Joab okañy, Ñanderuete róga jojohuhápe ha ojejapyhy kuave’ẽmby renda ratĩ rehe.

Salmokuéra 3:6

Ndakyhyjemo’ãi 10.000 soldádogui, oñembo’y ramojepe che jerekuévo.

Juéces 7:16

Ha omboja’o umi 300 kuimba’e mbohapy atýpe, ha peteĩteĩvape ome’ẽ peteĩ turu ipópe ha peteĩ kambuchi nandíva tata’y hendýva reheve hyepýpe.

Juéces 7:19

Ha og̃uahẽmbotávo hekoha rembe’ýpe Gedeon ha umi 100 kuimba’e hendive oĩva pyhare pytépema, ha oñemoambue jave iguárdia pyahu, ha’ekuéra ombopu ituru, ha ojoka ikambuchikuéra ogueraháva ipópe.

Juéces 9:43

ha ha’e ombyaty ikuimba’ekuéra mbohapy hendápe, ha omoĩ ñuhã pe ñúme; ha oma’ẽvo ohecha Siquemguakuéra osẽvahína itávagui; ha Abimelec opu’ã ojeity hag̃ua hi’arikuéra.

1 Samuel 11:11

Ha ambue ko’ẽme Saul omohenda hetãyguakuérape mbohapy atyguasúpe, ha oike hikuái pyharevete Amon ñemoñarenguéra rekohápe ha ojuka ichupekuéra asajepyte peve; ha umi hembymíva guive oñemosarambipa, ndopytavéi peve mokõi oñondive.