2 Samuel 18:18

Ñanderuete Ñe’ẽ Porã 2015

Ha Absalon oikove aja gueteri omopu’ãva’ekue peteĩ itaguasu ijyvatetéva tetã ruvicha vállepe oñemomandu’a hag̃ua Absalon réra rehe, ha’e he’ígui: Che ndachera’ýiri, upévare pe itaguasuetéva rupi che retãyguakuéra omomandu’a che réra rehe, upévare oñembohéra ko ára kóva peve Absalon itaguasuete.

Referencias Cruzadas

Genesis 11:4

Ha he’i hikuái: Jaha ñamopu’ã ñandejupekuéra g̃uarã peteĩ táva ha peteĩ óga yvate, hu’ã og̃uahẽva yvágape; ha jajapo ñandejupekuéra g̃uarã peteĩ téra, ani hag̃ua ñanesarambipa ramog̃uarã ko yvy tuichakuére.

Genesis 11:9

Upévare oñembohéra pe táva Babel, Ñanderuete ombujuavy haguére opaite tetãygua ñe’ẽ, ha upégui omosarambipa ichupekuéra yvy tuichakuépe.

Genesis 14:17

Abram ha hembiguaikuéra ou jevývo, ipu’aka rire Quedorlaomer rehe, osẽ Sodóma táva ruvicha, ambue táva ruvichakuéra ndive, ojejohu hag̃ua Abram ndive Save ñuguasúpe, péva oñembohéra táva ruvicha ñuguasu.

2 Samuel 14:27

Ha Absalon ita’ýra mbohapy ha peteĩ itajýra, hérava Tamar, péva peteĩ kuña neporãva.

Salmokuéra 109:13

Iñemoñarenguéra toñehundipa, ha iñemoñare rerakuéra toñemboje’opa.

Salmokuéra 49:11

Ipy’apýpe hi’ã ichupekuéra hogakuéra opytáta tapia g̃uarã, ha iñemoñare rekove noñehundimo’ãiha araka’eve, upévare oñehenóita tetãnguérape heratee rupi.

Isaías 22:16

Mba’éiko nde rejapo ko’ápe, térã mávape g̃uarãpa remba’apo ko’ápe, rejo’ose piko ne rendag̃ua ha itaguasu pa’ũme rejapo hag̃ua nde tyvyrã.

Jeremías 22:30

Péicha he’i Ñanderuete: Ehai mba’épa ojehúta ko kuimba’e ita’yra’ỹvaicha, ko kuimba’e kóvape nosẽ porãmo’ãi mba’eve oikove aja pukukue; ha iñemoñarenguéragui avave ndoguapymo’ãi David guapyhaguasúpe ha ijapytépe avave noisãmbyhymo’ãvéi Juda retã.

Daniel 4:30

ha he’i sapy’a: Ndachéi piko amopu’ãva’ekue ko tavaguasu ha che rogaguasu che pu’aka mbarete rupi, toñemoherakuã porã opárupi che réra tuichaitéva.

Números 32:42

Upéicha avei Noba, upéi omoĩ Kenat ha itava’ikuéra ipoguýpe. Upéi omoambue Noba réra: Jair táva.

1 Samuel 15:12

Ko’ẽ mboyve Samuel opu’ã oho hag̃ua Saul rendápe, ha oñemombe’u Samuélpe, Saul ou hague Cármelpe, ha upépe omopu’ã ijupe g̃uarã itaguasu ñembo’y mandu’arã, ha upégui ojere, ha ohasa henonderã gotýo ha oguejy Gilgálpe.