2 Samuel 18:14

Ñanderuete Ñe’ẽ Porã 2015

Ha Joab he’i jevy: Che naha’ãrõmo’ãi sapy’amínte jepe. Ha ojapyhy ipópe mbohapy yvyra puku akua, ha ojakutu Absalon py’a mbytépe ha’e oikove ha osãingo jave pe yvyrarakãre.

Referencias Cruzadas

2 Samuel 12:10

Pévarehe nde rógagui ndojei kyse puku, chemboyke haguére ha regueru haguére Urías, Het ñemoñare rembirekópe, ne rembireko ramo.

2 Samuel 14:30

Upémaramo he’i hembiguaikuérape: Pema’ẽ, Joab kokue oĩ che kokue yke rehe, ha oguereko upépe cebáda (ojogua trígope); tapeho ha pemyendy hese tata. Ha Absalon rembiguaikuéra oho ha ohapy Joab kokue.

2 Samuel 18:15

Ha 10 mitãrusu katu, Joab mo’ãha rerahahára, omongora Absalónpe ha oikutu ha ojukaite ichupe.

2 Samuel 18:5

Ha tetã ruvicha he’i Joab, Abisai ha Itaípe: Peiporiahuverekókena pe mitãrusu Absalónpe. Ha mayma tetãyguakuéra ohendu pe tetã ruvicha he’íva imburuvichakuérape ita’ýra Absalon rehe.

2 Samuel 19:1

Upéi oñemomarandu Joábpe: Péina tetã ruvicha hasẽ, ha omba’embyasy Absalon rehe.

2 Samuel 19:11

Ha tetã ruvicha David ohendu guive tetãyguakuéra ñe’ẽguyguy omondo peteĩ hembiguái pa’i Sadoc ha Abiatárpe, he’iukávo: Peñe’ẽ Judaygua karai ancianokuérape ha pegueru ichupekuéra: Mba’érepa peha’ãrõve peju jevy hag̃ua che rendápe che aiko jevy hag̃ua pene retã ruvicha ramo.

Job 20:5

Iñañáva vy’a imbykyha, ha heko vaíva sapy’aiténte ovy’aha,

Salmokuéra 37:35

Che ahecha peteĩ iñañávape oñembotuichaitereíva, ha’e oñemyasãi ku yvyraguasúicha,

Salmokuéra 45:5

Nde hu’ykuéra hakua porã, umía rupi tetãnguéra ho’áta nde poguýpe, umía oikepava’erã nderayhu’ỹva py’ápe.

Matéo 12:40

Jonas oĩ haguéicha mbohapy ára ha mbohapy pyhare pukukue pe mymba ndetuicháva ryépe, péicha avei yvyarigua Ra’y opytáta mbohapy ára ha mbohapy pyhare pukukue yvy guýpe.

1 Tesalonicayguakuérape 5:3

Yvyarigua he’i jave: Jaiko porã (segúro) ha py’aguapýpe, upeichahágui ho’áta sapy’aitépe hi’arikuéra iñehundirã, ojehu háicha pe kuñáme og̃uahẽ ramo sapy’a pe hóra imemby hag̃ua, upéicha ojehúta avei ichupekuéra, ha ndaikatumo’ãi okañy mamove.

Juéces 4:21

Ha Jael, Heber rembireko katu ogueru peteĩ yvyra akua mbyky (poste’i) pe óga hymba pirekueguiguágui ha omoĩvo peteĩ martíllo ipópe, oñemboja kirirĩhaitépe Sísara rehe ha’e opytu’u jave, hopehyiete ha ikane’õitereígui, ha ombyasuru pe yvyra akua isyva yke rehe, ojakutu peve yvy rehe, péicha Sísara omano.

Juéces 5:26

Ipojái yvyra mbyky akua rehe, ha ijakatúape pe martílloguasu rehe oinupã hag̃ua Sísara akã rehe, ohasa peve iñakã yke mokõivéva rupi.

Juéces 5:31

Péicha ore Ruete, tomanomba umi nderehe ija’e’ỹva, ha umi nderayhúva katu toiko ku kuarahy osẽ ramoguáicha imbaretekuépe. Ha pe yvy opytu’u 40 áño pukukue.