2 Samuel 18:1

Ñanderuete Ñe’ẽ Porã 2015

David katu oipapa iñorãirõhára oĩva guive hendive, ha omoĩ mburuvicha 1.000 ári ha mburuvicha’i 100 ári.

Referencias Cruzadas

Éxodo 17:9

Ha Moises he’i Josuépe: Eiporavo ñande apytégui kuimba’ekuéra, ha esẽ ejeity Amalecguakuéra ári; ko’ẽrõ che aiméta pe cérro ru’ãme, ha Ñanderuete yvyra’i oĩta che pópe.

Éxodo 18:21

Eiporavo avei ne retãyguakuéra apytégui kuimba’ekuéra ikatupyrývape ha okyhyjéva Ñanderuetégui, kuimba’e ijapu’ỹva, ha’entese’ỹva, umía emoĩ, 1000, 100, 50 ha 10 tapicha ári huvicha ramo.

Éxodo 18:25

Upéi Moises oiporavo kuimba’e ikatupyrývape mayma Israel apytégui, ha omoĩ ichupekuéra 1000, 100, 50 ha 10 tapicha ári huvicha ramo.

Números 31:14

Ha Moises ipochy katu umi soldádo aty ruvichakuéra ndive ha umi omyakãva ndive 1000 soldádo, oúva ñorãirõhágui,

Deuteronómio 20:9

Ha umi mburuvicha oñe’ẽmbávo tetãyguakuérape, umi soldádo ruvicha oñemoĩva’erã isoldádo aty renondépe omotenonde hag̃ua ichupekuéra.

Josué 8:10

Josue opu’ãvo pyharevete oipapa isoldadokuérape, ha hendivekuéra oho avei Israel karai ancianokuéra, isoldadokuéra renonderãme ojeity hag̃ua Haiguakuéra ári.

1 Samuel 22:7

Ha Saul he’i hembiguaikuéra ijerekuévo oĩvape: Pehendúke ág̃a, Benjamin ra’yrekuéra. Isai ra’ýpa ome’ẽta avei peẽme yvy ha parralty, ha penemoĩtapa avei 1000 soldádo ruvicha ramo térã 100 soldádo ruvicha ramo.

1 Samuel 8:12

Ha’e omoĩva’erã ichupekuéra isoldádo aty ruvichakuéra poguýpe, oisãmbyhýva 50 térã 1000 soldádope, ha’e omondóta pende ra’ykuéra ikokuépe oñotỹ ha omono’õ hag̃ua imba’éva térã ojapoukáta iñorãirõme g̃uarã carrorã térã iñorãirõ rembiporukuéra.