2 Samuel 17:16

Ñanderuete Ñe’ẽ Porã 2015

Upévagui emondo pya’e peteĩ tembijokuáipe, ha’e omombe’u hag̃ua Davídpe: Ani pepytátei ko pyharépe pe desiértope ojehasahápe pe Jordan, ani oikótei sarambi tetã ruvicha rehe ha opaite tetãygua rehe oĩva guive hendive.

Referencias Cruzadas

2 Samuel 15:14

Upémaramo David he’i opaite hembiguaikuérape oĩva guive hendive Jerusalénpe: Pepu’ãke ñakañy, ndaikatúi ñasẽ reívo Absalon renondégui, ha peñembopya’éke jahakuévo, anítei ha’e oñembopya’eve ha ñanderupity, ha oity ñandeári, ha oikutu tetãyguakuérape kyse puku rãimbépe.

2 Samuel 15:28

Eikuaa porãke che apytáta pe desiértope ha aha’ãrõta og̃uahẽ meve peteĩ ñe’ẽ pendehegui.

2 Samuel 15:35

Upépe oĩta avei nendive pa’ikuéra Sadoc ha Abiatar. Upévagui rehendúva guive tetã ruvicha rógape, emombe’u pa’i Sadoc ha Abiatárpe.

Salmokuéra 35:25

Anítei he’i hikuái ipy’apýpe: Ore rojapóma hese upe rojaposeva’ekue.

Salmokuéra 55:8

Pya’e pya’e akañyse pe yvytu ratã renondégui.

Salmokuéra 56:2

Opaite ára umi cherehe ija’e’ỹva opyrũmba cherehe, hetaiterei umi oñemoĩva ñembotuvichapópe cherehe.

Salmokuéra 57:3

Ha’e omboúta yvága guive chepytyvõva’erãva cheguenohẽ hag̃ua chejukaséva pógui, Ñanderuete omboúta iporiahuvereko ha oĩta chendive opaite árape. Selah

1 Corintoyguakuérape 15:54

Ko ñande rete oñembyaíva oñemonde ramo tete oñembyaive’ỹvape, ha ko tete kóva omanova’erãva oñemondéma ramo tete omanove’ỹvape, upéicha ramo oikóta pe ñe’ẽ ojehaíva Ñanderuete kuatiañe’ẽme: Hesu Crísto ombopoguýma pe ñemano, pe ñemano’ỹ omokõma pe ñemano, (Isaías 25,8; Oséas 13,14).

2 Corintoyguakuérape 5:4

Ñande jaikove aja ñande róga (tete) yvy arigua ko’ag̃aguápe, ñanepyahẽ gueteri, ndaha’éi ñañemboiségui, ñañemondese jo’águi uvei; pe tekove añeteguáva tomokõ pe omanótavape.

1 Samuel 20:38

Ha Jonatan osapukái jevy mitã rapykuéri: Pya’e eñani, aníke repytátei. Ha pe mitã ohupi pe hu’y, ha ogueru ijára rendápe.