2 Samuel 17:14

Ñanderuete Ñe’ẽ Porã 2015

Upémaramo Absalon ha mayma Israelgua he’i: Husai, Aracgua ñe’ẽ iporãve Ahitófel ñe’ẽgui. Péva Ñanderuete rembiapo voi anítei ojejapo Ahitófel rekombo’e, ha Ñanderuete ombouségui mba’evai Absalon ári.

Referencias Cruzadas

Genesis 32:28

Ha upe yvága rembiguái he’i ichupe: Nandereramo’ãvéima Jacóbo, nderérata Israel, reñorãirõ haguére Ñanderuete ndive ha yvyariguakuéra ndive, ha ndepu’akágui hesekuéra.

2 Samuel 15:31

Ha oñemomarandu Davídpe, oje’évo ichupe: Ahitófel oime Absalon ndive, umi oñemoĩmava’ekue nderehe apytépe. Upémaramo David he’i: Ñanderuete tombyai Ahitófel rekombo’epy.

2 Samuel 15:34

Rejevy ramo távape, ha ere ramo Absalónpe: Tetã ruvicha, che aikóta ne rembiguái ramo aiko haguéicha nde ru rembiguái ramo; péicha rembyaikuaa cherehehápe Ahitófel ñe’ẽ.

2 Samuel 16:23

Upéicha Absalon ojapo Ahitófel ñe’ẽ; umi árape oñemo’ã voínte Ahitófel ñe’ẽ térã Ñanderuete ñe’ẽ peteĩchanteha. Péicha voi ojehechakuaa opaite Ahitófel ñe’ẽ taha’e David ndive, térã Absalon ndive.

2 Crónicas 10:15

Ha tetã ruvicha ndojaposéi hetãyguakuéra rembipota; Ñanderuete péicha oipotágui, ikatu hag̃uáicha oiko Ñanderuete he’iva’ekue Ahías, Silogua rupi, Jeroboam, Nebat ra’ýpe.

2 Crónicas 10:8

Ha’e katu omboyke ko’ã karai anciáno rekombo’epy, ha ojehekombo’euka mitãrusukuérape okakuaava’ekue hendive ha oikóva iñirũnguéra ramo.

2 Crónicas 25:16

Pe proféta he’ívo ko’ã mba’e ichupe, ha’e ombohovái ichupe: Reñemoĩ piko ra’e tetã ruvicha rekombo’eha ramo. Ejehejána umi mba’égui. Mba’upéiko remanose. Ha ha’e oñe’ẽmbávo, pe proféta he’i jevy ichupe: Che aikuaa Ñanderuete he’íma hague Ha’e nehunditaha, rejapo haguére ko mba’e ha nerehendúigui che ha’éva ndéve.

2 Crónicas 25:20

Amasías katu nohenduséi; Ñanderuete oipotágui péicha, Ha’e omoĩségui ichupe hese ija’e’ỹva pópe, ha’e omomba’eguasu haguére Edom jarakuérape.

Nehemías 4:15

Ha ohendúvo umi orerehe ija’e’ỹva ore roikuaapamaha ojaposéva guive hikuái, ha Ñanderuete omboyke hague hekombo’ekuéra, ore rohopaite jevy pe táva tápia rembiapópe.

Job 12:17

Ñanderuete omonandi mburuvichakuérape imba’eitágui ha ombotarova umi mbojovakehárape.

Salmokuéra 9:15

Umi tetã ho’áma ijyvykuápe, ha’ekuéra voi ojo’ova’ekue; ipykuéra opa’ã iñuhãteépe, ha’ekuéra voi ombosako’iva’ekuépe.

Salmokuéra 9:16

Ñanderuete ojekuaauka, Ha’e oporombojovake ha oapresa umi heko vaívape. Selah

Éxodo 9:16

Añetehápe Che aipota nde rekove rupi ojehechauka che pu’akapaha, ha péicha oñemyasãi hag̃ua che réra opaite yvy tuichakue javeve.

Mga Kawikaan 19:21

Heta jepy’amongeta oĩ ñande py’apýpe Ñanderuete rembipotánte katu ojehuva’erã ñande rekovépe.

Mga Kawikaan 21:30

Ñanderuete’ỹre ndaipóri arandu, ni akãguapy porã, ni tekombo’e heko peguáva.

Isaías 8:10

Peñeha’ãmba ramojepe pembopoguy hag̃ua, ndoikomo’ãi katu pe mba’e peipotáva, Ñanderuete oĩgui orendive.

Lamentaciónes 3:37

Mávapa he’ikuaa oikova’erãha peteĩ mba’e, Ñanderuete ndoipotái ramo.

Amos 9:3

Ha okañy ramo hikuái Carmel cérro ru’ãme, upépe ahekáta ichupekuéra ha agueru jevýta, ha jepevémo okañy hikuái che renondégui pe yguasu ruguaite peve, upépe amondóta mboikuéra oisu’u hag̃ua ichupekuéra.

Lúcas 16:8

Ha pe patron ohecha ramo icapataz rembiapo vai omomba’e ichupe iletrádo haguére. Ko’ã ára atyguasu ra’ykuéra ningo iletradove umi tesape ra’ykuéragui.

1 Corintoyguakuérape 3:19

Yvyariguakuéra arandu výro rei Ñanderuetépe g̃uarã. Ikuatiañe’ẽme he’i voi Ñanderuete oity iñarandúvape, iñarandúpe voi (Job 5,13).

Deuteronómio 2:30

Ha Sehon, Amorgua retã ruvicha oikóva Hesbónpe, ndoipotáikuri rohasa hetãpy rupi; Jahve, Ñanderuete katu ombopy’a hatã ichupe oity hag̃ua ichupe ipo rupi, ha ijyvy opyta hag̃ua pene mba’e ramo.

Josué 11:20

Ko’ã mba’e ou Ñanderuetégui, Ha’e voi ombopy’a hatãgui ichupekuéra oñemoĩ hag̃ua Israel rehe oñehundi hag̃ua ñorãirõme. Israelguakuéra ndoiporiahuverekói ichupekuéra, ohapomondoro uvei ichupekuéra, Ñanderuete he’i haguéicha Moiséspe.