2 Samuel 17:11

Ñanderuete Ñe’ẽ Porã 2015

Che ningo ha’e ndéve embyaty hag̃ua opaite Israelgua nendive, Dan guive Beerséba peve, hetaitereíta ku yvyku’i yguasu rembe’y peguáicha, ha ndete voi reho emoakã raku ichupekuéra pe ñorãirõrãme.

Referencias Cruzadas

Genesis 13:16

Ha ambohetáta ne ñemoñarenguéra yvyku’ícha; ha oĩ ramo peteĩ oipapakuaáva pe yvyku’i ko yvy apére, péva oipapakuaáta avei ne ñemoñarenguérape.

Genesis 21:14

Upémaramo Abraham opu’ã pyharevete, ha ojapyhy pan ha peteĩ yryru kavara pirekueguiguáva, omoĩ hag̃ua Agar ati’y ári, ha ome’ẽ ichupe avei pe mitãrusu, ha omondo hikuái hógagui. Agar oho ha oiko rei tetã ambueygua ramo Beerséba desiertoguasúre.

Genesis 22:17

añetehápe rohovasáta ha amboheta hetavéta ne ñemoñarenguéra umi jasytata árare ojehechávaicha ha pe yvyku’i oĩva pe yguasu rembe’y peguáicha; ha ne ñemoñarenguéra ombopoguýta umi hesekuéra ija’e’ỹva retãnguéra.

2 Samuel 12:28

Embyaty tetãyguakuéra hembýva, ha eju che rendápe embopoguypa hag̃ua ko táva kóvape, oñembotuicha hag̃ua nde réra, ha anítei che réra.

2 Samuel 24:2

Ha tetã ruvicha David he’i Joab, isoldádo ruvichápe, oĩva hendive: Tereho ko’ág̃a mayma Israel retã rehe, Dan guive Beerséba peve, ha eipapa ñane retãyguakuérape, aikuaa hag̃ua mboýpa oĩ hikuái.

2 Samuel 3:10

Aitýta Saul ha iñemoñarenguéra Israel retã ruvicha guapyhágui ha amboguapýta Davídpe Israel ha Juda retã ruvicha guapyhápe, ha’e oisãmbyhy hag̃ua Dan guive Beerséba peve.

1 Réyes 20:10

Ha Ben-adad he’iuka jevy ichupe: Che tupãnguéra tachehavira ha tachenupãve gueteri che nambotaperéi ramo ko táva kóvape. Ha che soldadokuéra hetaitereígui ndohupitymo’ãi peteĩteĩme ogueraha hag̃ua ko táva yvytimbo jepe ipópe.

1 Réyes 4:20

Juda ha Israel retãygua hetaiterei ku yvyku’i yguasu rembe’y peguáicha, ha’ekuéra okaru porã, hoy’u ha ovy’a joa.

Salmokuéra 9:16

Ñanderuete ojekuaauka, Ha’e oporombojovake ha oapresa umi heko vaívape. Selah

Josué 11:4

oñembyaty hag̃ua hendive opaite isoldádo aty ndive. Ha oñembyatypa rire hetaiterei ku yvyku’i oĩ háicha yguasu rembe’ýpe, oĩ avei heta kavaju ha cárro ñorãirõ megua.

Juéces 20:1

Upémaramo opaite Israel ñemoñarenguéra oñembyaty Ñanderuete renondepe Mizpápe, peteĩ kuimba’e añoitécha, Dan guive Beerséba peve, ha Galaad retã guive.

1 Samuel 13:5

Filisteayguakuéra oñembyaty avei ojeity hag̃ua Israel ári, 3000 ñorãirõ cárro, 6.000 kuimba’e kavaju arigua, ha heta ñorãirõhára ndive, ku yvyku’i yguasu rembe’y peguáicha; ha ojupi ha oñembyaty hikuái Micmáspe, Bet-avénguio kuarahyresẽ gotýo.

1 Samuel 3:20

Ha opaite Israelgua, Dan guive Beerséba peve, oikuaa Samuel Ñanderuete proféta añeteguaha.