2 Samuel 16:8

Ñanderuete Ñe’ẽ Porã 2015

Ko’ág̃a Ñanderuete omyengoviáma ndéve opaite Saul rogaygua ruguy reñohẽva’ekue reisãmbyhy hag̃ua hendaguépe ha upévare Ñanderuete omoĩma tetã ruvicha guapyhápe nde ra’y Absalónpe; nde rehupity hag̃ua ne ñañangue repy reha’ãrõ’ỹva, nde ningo kuimba’e tuguy ñohẽhára voi.

Referencias Cruzadas

2 Samuel 1:16

Ha David he’i ichupe: Nde ruguýnte toĩ ne akã ári, nde juru rupi voi reñembojovakéma erévo: Che ajuka Ñanderuete rembiporavopyrépe.

2 Samuel 19:19

Ha he’i tetã ruvichápe: Ani reñongatu nde py’apýpe pe tembiapo vai ajapova’ekue ha ani nemandu’átei mba’evai ne rembiguái ojapova’ekue pe ára, nde che jára ha che retã ruvicha, resẽ ramoguare Jerusaléngui. Aníkena tetã ruvicha reñongatu umi mba’evai nde py’apýpe.

2 Samuel 19:21

Ha Abisai, Sarvia memby, he’i: Nomanoiva’erã piko Siméi, omaldeci haguére pe kuimba’e Ñanderuete oiporavova’ekuépe.

2 Samuel 21:1

Ou peteĩ ñembyahýi mbohapy áño pukukue David oikoveha árape, ha David omba’eporandu Ñanderuetépe, ha Ha’e he’i ichupe: Péva ojehu Saul ojuka haguére heta Gabaonguápe.

2 Samuel 21:9

Ha David omoĩ ko’ã 7 Saul ñemoñare Gabaonguakuéra pópe, ha ha’ekuéra ojuvy ichupekuéra pe cérrope Ñanderuete renondépe; ha péicha ko’ã 7 omano oñondive; ãva ojejuka, oñepyrũvo oñemono’õ cebáda (ojogua trígope).

1 Réyes 2:8

Nendive oĩ avei Simei, Gera ra’y, peteĩ Benjamin ñemoñaréva, peteĩ Bahurimgua, péva chemaldeciva’ekue pe ára aha ramoguare kañyháme Mahanáimpe. Ha aju jevývo Jerusalen gotýo ha’e cheruvaitĩ Jordánpe, ha che ame’ẽ ichupe che ñe’ẽ Ñanderuete rérape, ha’évo: Che ndorojukamo’ãi kyse pukúpe.

Salmokuéra 3:2

Heta oĩ he’íva cherehe: Ndaiporivéima ñepytyvõ ichupe g̃uarã Ñanderuetégui. Selah

Salmokuéra 4:2

Peẽ, karaiguasu ra’ykuéra, araka’e pevépa chekutúta pene ñe’ẽ vai rupi ha pehayhúta mba’e gua’u rei pehekávo umi ñe’ẽ japu reheguáva. Selah

Salmokuéra 55:3

Umi cherayhu’ỹva ñe’ẽ chemyangekõi ha umi iñañáva chejopy asy, tembiapo vai oity cheári ha pochypópe chemuña hikuái.

Salmokuéra 7:4

Amyengovia piko mba’evai rehe umi oiko porãva chendive, térãpa aipytyvõ gueteri umi chejopývape.

Mga Kawikaan 26:2

Pe guyra ra’y oveve rei háicha, ha pe mbyju’i oveve háicha oikóvo henda’ỹre, péicha avei maldicion hendape’ỹ ndohupitymo’ãi avavépe.

Apocalípsis 16:6

Ha’ekuéra oñohẽ haguére tekove potĩva ha proféta ruguy, Nde avei re’uka ichupekuéra tuguy. Nde remyengovia hekópe hembiapo vaikuérakue.

Juéces 9:24

ikatu hag̃uáicha pe mba’evai ha’e ojapova’ekue umi 70 Jerobaal ra’y rehe, ojukávo ityke’yrakuérape, ho’a jevy hag̃ua Abimelec ári ha umi kuimba’e Siquemgua ári avei, oipytyvõ haguére ichupe ojuka hag̃ua ityke’yrakuérape.