2 Samuel 16:23

Ñanderuete Ñe’ẽ Porã 2015

Upéicha Absalon ojapo Ahitófel ñe’ẽ; umi árape oñemo’ã voínte Ahitófel ñe’ẽ térã Ñanderuete ñe’ẽ peteĩchanteha. Péicha voi ojehechakuaa opaite Ahitófel ñe’ẽ taha’e David ndive, térã Absalon ndive.

Referencias Cruzadas

2 Samuel 15:12

Ha Absalon ohenoiuka Ahitófel, Giloguápe, David rekombo’ehára, itáva Gilógui. Upéicha pe ñepu’ã okakuaave ohóvo, ha heta hetave tetãygua oho Absalon rapykuéri.

2 Samuel 15:31

Ha oñemomarandu Davídpe, oje’évo ichupe: Ahitófel oime Absalon ndive, umi oñemoĩmava’ekue nderehe apytépe. Upémaramo David he’i: Ñanderuete tombyai Ahitófel rekombo’epy.

2 Samuel 17:1

Upéramo Ahitófel he’i Absalónpe: Ehejána taiporavóta 12.000 kuimba’épe aha hag̃ua David rapykuéri, ko pyharépe amuña hag̃ua ichupe.

2 Samuel 17:14

Upémaramo Absalon ha mayma Israelgua he’i: Husai, Aracgua ñe’ẽ iporãve Ahitófel ñe’ẽgui. Péva Ñanderuete rembiapo voi anítei ojejapo Ahitófel rekombo’e, ha Ñanderuete ombouségui mba’evai Absalon ári.

2 Samuel 17:23

Ha Ahitófel ohechávo ndojejapoiha ha’e ohekombo’e haguéicha, ojupi hymba búrro ári, ha oho itávape; ha omohenda porãmba rire hogapy, oho ojejuvy, upéicha ha’e omano, upéi oñeñotỹ ichupe itúva tyvýpe (sepultúrape).

Job 28:28

Ha he’i yvyariguakuérape: Pema’ẽ porãke, upe okyhyjéva Ñanderuetégui iñarandu ha upe oñemomombyrýva mba’evaígui iñakã porã.

Job 5:12

Ñanderuete ombyai heko vaíva pensamientokuéra, ani hag̃ua ipokuéra ojapótei tembiapo vai.

Salmokuéra 19:7

Ñanderuete rembiapoukapykuérape ndaipóri jejavy, omoangapyhy katu yvyariguakuérape, opaite mba’e Ñanderuete he’íva guive katuete ojehu avei, Ha’e omoaranduhína umi oikuaa’ỹvape.

Salmokuéra 28:2

Ehendumína che ñembo’e amba’ejerure asy jave ndéve, ahupi jave che pokuéra nde rogaguasu gotýo.

Eclesiástes 10:1

Pe mberu re’õngue omone ha omohyakuã vai pe mba’e ryakuã porãme; peichaite peteĩ itarováva ñe’ẽ, ombyai iñarandúva ñe’ẽ.

Jeremías 4:22

Ko che retã ningo itavy, ha’ekuéra ndachekuaái he’i pende Ruete; ita’yrakuéra itavy ha naiñakã porãi; ivale ojapo hag̃ua mba’evai, ndojapokuaái katu mba’eporã.

Jeremías 8:9

Ko’ã iñarandúva oñemotĩmba, oñemondyipa ha ho’ava’erã iñuhãme, omboykégui pende Ruete ñe’ẽ; ha mba’eichagua arandúpa oĩ gueteri ipype.

Números 27:21

Ha’e toñembo’y pa’i Eleazar renondépe, ha ha’e omba’eporandúta pende Ruetépe Urim ha Tumim rupi; ha mayma Israel rogaguasukuéra taiñe’ẽrendu ha’e he’ívape guive.

Matéo 11:25

Ha umi ára umívape Hesu he’i: Romomba’eguasuete ndéve, che Ruete, yvága ha yvy Jára, ko’ã mba’e reñomi haguére umi iñarandúvagui ha umi heta mba’ekuaaháragui, ha rehechaukágui umi tapicha ojejapo’ỹvape.

Lúcas 16:8

Ha pe patron ohecha ramo icapataz rembiapo vai omomba’e ichupe iletrádo haguére. Ko’ã ára atyguasu ra’ykuéra ningo iletradove umi tesape ra’ykuéragui.

Romayguakuérape 1:22

Oikose ramojepe hikuái iñarandúva ramo, itarovaiterei hikuái.

1 Pédro 4:11

Oimérõ peteĩ ojeroviáva oñe’ẽ, toñe’ẽ Ñanderuete oñe’ẽrõ guáicha ha’érupi; oimérõ peteĩ ojeroviáva oporopytyvõ, toipytyvõ hapichápe Ñanderuete pu’aka rupi; opaite me’ẽmby rupi toñemomba’eguasúnte Ñanderuetépe, Hesu Crísto rupi. Imba’e ningo pe teko jajaipa ha pu’aka, ára atyguasukuéra rupi, taupéicha (amen).

1 Samuel 30:8

Ha David omba’eporandu Ñanderuetépe he’ívo: Ahátapa ko’ã ouva’ekue omonda hag̃ua rapykuéri. Ikatútapa ahupity. Ha Ha’e he’i ichupe: Tereho katu ha emuña, añetehápe rehupitýta ichupekuéra, ha reguerupáta umi ojeguerahava’ekuépe tembiguái ramo.