2 Samuel 16:21

Ñanderuete Ñe’ẽ Porã 2015

Ha Ahitófel he’i Absalónpe: Eiko nde ru kuñakuéra ndive ha’e ohejava’ekue hóga ñangarekohára ramo; péicha ramo mayma Israel retãygua ohendúta reñemoĩ hague nde ru rehe, ha remombaretéta avei opaite oĩva guive nendive.

Referencias Cruzadas

Genesis 34:30

Upémaramo Jacóbo he’i Simeon ha Levípe: Peẽ chemyangekõi, peẽ chemoĩ vaígui ko’ã tetãygua, umi Canaangua ha umi Ferezgua apytépe; ñande ningo ñanembovyeterei, ha’ekuéra oñembyaty ramo oñorãirõ hag̃ua ñanendive ñandejukapaitéta.

Genesis 35:22

Ha ojehu ningo Israel (Jacóbo) oiko aja pe tetãme, Ruben oñeno itúva kuña Bílha ndive; ha pe mba’e ojekaauka Israélpe. Israel ra’ykuéra ningo 12.

Genesis 38:16

Juda oñemboyke hapégui oho hag̃ua hendápe, ha he’i ichupe: Cherejamína taiko nendive, ndoikuaáigui ha’e ita’ýra rembirekokueha; ha Tamar he’i ichupe: Mba’éiko reme’ẽta chéve reiko hag̃ua chendive.

Genesis 6:4

Umi árape oĩ yvy apére kuimba’e yvate ha hete tuicháva (gigánte); upejave og̃uahẽ avei Ñanderuete ra’ykuéra oiko hag̃ua kuimba’e rajykuéra ndive ha omomemby ichupekuéra. Imembykuéragui oiko kuimba’e herakuã porã ha ipy’aguasuetéva.

2 Samuel 10:6

Ha Amon ñemoñarenguéra ohechakuaáma ramo David ndaija’eveimaha hesekuéra, omondo ojokuái hag̃ua mba’erepy rehe umi Siriayguápe oĩva Bet-rehob ha Sobápe, 20.000 kuimba’e yvy rupigua; ha Maaca retã ruvichágui 1.000 kuimba’e; ha Tóbgui 12.000 kuimba’e.

2 Samuel 12:11

Péicha Ñanderuete he’iuka ndéve: Péina ko’ág̃a che amopu’ãta avei mba’evai nde rogateégui nderehe, ha ne rembirekokuéra ajapyhyukáta nde resa renondégui, ha ameẽta nde rapichápe, ha upéva oñenóta ne rembirekokuéra ndive kuarahy resápe.

2 Samuel 13:5

Ha Jonadab he’i ichupe: Eñeno nde rupápe ha eñembohasyete gua’u; ha ág̃a nde ru ou ramo neandúvo, ere ichupe: Ajerure ndéve toumi che reindy Tamar chemongaru hag̃ua, ha tombosako’i che renondépe che rembi’urã, ha ahechávo ta’u ipo peguáre.

2 Samuel 15:16

Upémaramo tetã ruvicha osẽ ha opaite hogayguakuéra oho hapykuéri. Ha tetã ruvicha ohejánte hóga ñangarekoha ramo 10 ikuñáva.

2 Samuel 16:20

Upéramo Absalon he’i Ahitófelpe: Eremína nde, mba’épa rojapoveva’erã.

2 Samuel 17:7

Upérõ Husai he’i Absalónpe: Pe tekombo’e Ahitófel ome’ẽva’ekue naiporãi.

2 Samuel 2:7

Ko’ágã pemombaretéke pende po ha peñembopy’aguasúke; omano ramojepe Saul, pende jára, Juda rogayguakuéra cheporavóma itríbu ruvicha ramo.

2 Samuel 20:3

Ha David og̃uahẽ rire hógape, Jerusalénpe, omoinge umi 10 kuña ohejava’ekue oñangareko hag̃ua hóga rehe peteĩ ógape ha ome’ẽ ichupekuéra hembi’urã; ha araka’eve ndoikovéi hendivekuéra, opyta hikuái ñembotyhápe imena’ỹvaicha, omano meve.

1 Réyes 11:25

Ha’e oñemoĩ Israel rehe Salomón oikove aja pukukue. Ha péva ári Hadad ndaija’éi Israel rehe, ha Rezon opyta Síria retã ruvicha ramo, ipochyete Israelguakuéra ndive.

1 Réyes 2:17

Upéramo Adonías he’i: Ajerure ndéve ere hag̃ua tetã ruvicha Salomónpe, tome’ẽ chéve Abisag, pe Sunemgua, che rembirekorã ramo, ha’e nombotovemo’ãi ndehegui.

1 Réyes 2:22

Tetã ruvicha Salomón he’i isýpe: Mba’érehepa rejerure Abisag, pe Sunemgua rehe Adoníaspe g̃uarã. Ejeruréna avei ichupe g̃uarã ko tetã guapyha; ha’égui voi che ryke’y ypykue ha pa’i Abiatar, ha Joab, Sarvia memby, omoirũma avei ichupe.

Levítico 18:8

ani reiko nde ru rembireko ndive, oñeme’ẽgui ichupe g̃uarãnte.

Levítico 20:11

Oimeraẽ kuimba’e oñenóva itúva rembireko ndive, omongy’a itúvape; mokõivéva ojejukava’erã; huguy ho’ava’erã hi’arikuéra.

Zacarías 8:13

Ha ojehuva’erã: Peẽ Israel ha Juda róga peiko haguéicha maldicion poguýpe ambue tetãnguéra apytépe, upeichaite ko’ág̃a peikóta jehovasa ramo ichupekuéra g̃uarã, Che poipytyvõ porãgui. Ani pekyhyjétei, peñemokyre’ỹ katu chehegui.

1 Corintoyguakuérape 5:1

Oñehendu ningo peteĩ heko ky’áva oikoha pende apytépe, koichagua teko meg̃ua noñehendúi gueteri oĩha ojerovia’ỹva Hesu Crístore apytépe jepe, peteĩ oguerekóva ikuña ramo isy angápe.

1 Samuel 13:4

Ha Israelguakuéra ohendúvo: Saul ojeity hague Filisteaygua guárdia ári; ha Israel omotĩ hague Filisteayguakuérape, upévare ha’ekuéra oñembyaty Saul ndive Gilgálpe.

1 Samuel 27:12

Ha Aquis oguerovia Davídpe ha he’i ipy’apýpe: Ha’e ohasa asýgui hetã Israélpe, opytáta tapia che rembiguái ramo.