2 Samuel 16:10

Ñanderuete Ñe’ẽ Porã 2015

Ha tetã ruvicha he’i: Mba’éiko che aguereko nendive, Sarvia memby. Ha’e oñe’ẽvai cherehe Ñanderuete he’ígui ichupe oñe’ẽvai hag̃ua cherehe. Upévare, máva piko ikatúne he’i: Mba’érehepa péicha rejapo.

Referencias Cruzadas

Genesis 50:20

Añetehápe peẽ pejapo mba’e ivaíva cherehe, Ñanderuete katu ombohape mba’eporãme, Ha’e voi ojapo porãmba jahecha háicha ko árape, omoingove jevy hag̃ua ko tetãguasu kóvape.

2 Samuel 19:22

Upémaramo David he’i: Mba’éiko che areko nendive Sarvia memby, ko árape reiko cherehe ija’e’ỹva ramo chepy’ara’ã hag̃ua. Omanova’erã piko ko árape peteĩ Israelgua, reimo’ã piko che ndaikuaaiha ko árape apyta jevyha Israel retã ruvicha ramo.

2 Samuel 19:23

Ha tetã ruvicha he’i Siméipe: Neremanomo’ãi. Ha tetã ruvicha ome’ẽ ichupe inẽ’ẽ.

2 Samuel 3:39

Ha chekangy gueteri ko árape, jepémo ajeporavóma tetã ruvicha ramo; ha ã kuimba’e, Sarvia membykuéra, chéve g̃uarã imbareteiterei; upévare Ñanderuete tomyengovia hembiapo vaikue, iñañaiterei haguére.

1 Réyes 17:18

Ha pe kuña he’i Elíaspe: Moõpa che ajavy nendive nde kuimba’e Ñanderuete reheguáva, rejupi piko ra’e che rendápe chemomandu’a hag̃ua che reko vai rehe, ha rejuka hag̃ua che membýpe.

1 Réyes 2:5

Nde reikuaa porã voi Joab, Sarvia memby, ojapova’ekue cherehe ojukávo mokõi Israel soldádo ruvicha oĩ aja py’aguapy, ha’e oñohẽ Abner, Ner ra’y, ha Amasa, Jeter ra’y ruguy, upéicha ha’e omyengovia ityvýra ruguy oñeñohẽva’ekue ñorãirõme ha upévarupi omongy’a iku’a jopyha ha isapatukuéra (ha cheári ho’a ko’ã jejuka).

2 Réyes 18:25

Che piko aju mba’e ko’ág̃a ko’ápe Jahve oipota’ỹre, rohundi hag̃ua, Ha’e voi he’íkuri chéve: Ejupi ha ehundi ko tetã kóvape.

Job 9:12

Nemandu’a porãke, Ha’e ohekýi ramo peteĩme, mávapa ojokokuaa ichupe. Máva piko he’ikuaa ichupe: Mba’éiko rejaporeína.

Salmokuéra 39:9

Che akirirĩ, nda’éi mba’eve rehe Nde voi rembosako’ipa (che rekove).

Eclesiástes 8:4

Pe tetã ruvicha ñe’ẽ ningo oguereko pu’aka, ha mávapa he’íta ichupe: Mba’épa rejapose.

Lamentaciónes 3:37

Mávapa he’ikuaa oikova’erãha peteĩ mba’e, Ñanderuete ndoipotái ramo.

Daniel 4:35

Henondépe opaite tetãygua ikangypa, Ha’e ojapopa ojaposéva ijyvága pegua rembiguái aty ndive ha yvyariguakuéra ndaikatúi he’i ichupe: Mba’éiko rejapo.

Matéo 16:23

Ha Hesu ojere ha he’i Pédrope: Ejei che ypýgui nde Satana, reikógui chéve ñepysãngaha ramo, nde yvyarigua rekógui ou ko pensamiénto kóva, ndaha’éi Ñanderuete rembipotágui.

Matéo 8:29

Ha mokõivéva osapukái ha he’i: Mba’épa roguereko nendive, Nde Ñanderuete Ra’y. Rejúpa oremyangekõi hag̃ua og̃uahẽ mboyve ore ára.

Juan 18:11

Upérõ Hesu he’i Pédrope: Emoinge jevy nde kyse puku hyrúpe, pe váso che Ruete ome’ẽmava’ekue chéve piko nda’umoãi.

Romayguakuérape 9:20

Ha nde kuimba’e térã nde kuña, máva piko nde rembojovake hag̃ua Ñanderuete rembiapokue. He’i piko upe mba’e apopyre ijapoharépe: Mba’érehe che piko cheapo peichaite.

1 Pédro 2:23

Oñeñe’ẽ pohýi ramo ichupe, okirirĩ; ombohasa asy ramo ichupe, noñe’ẽvaíri avavépe, ombohasapánte uvei Ñanderuetépe, pe mbojovakehára hekoite peguávape.

1 Samuel 26:19

Ajerure, tetã ruvicha, che jára tohendu ko’ágã hembiguái ñe’ẽ. Oime ramo Ñanderuete omoinge ne akãme rejapo hag̃ua mba’evai cherehe, toñekuave’ẽ ichupe g̃uarã; ha oime ramo kuimba’e ra’ýnte, toñemaldeci ichupekuéra Ñanderuete renondépe, chemosẽgui Ñanderuete rogaygua apytégui, aiko hag̃ua ambue jára rembiguáirõ guáicha.