2 Samuel 15:8

Ñanderuete Ñe’ẽ Porã 2015

Ne rembiguái ome’ẽva’ekue iñe’ẽ (vóto) oĩ ramoguare Gesúrpe, Síriape, ha’évo: Ñanderuete chererahauka jevy ramo Jerusalénpe che aikuave’ẽta Ñanderuetépe g̃uarã peteĩ kuave’ẽmby.

Referencias Cruzadas

2 Samuel 14:23

Uperire Joab opu’ã ha oho Gesúrpe, ha ogueru Absalónpe Jerusalénpe.

2 Samuel 14:32

Ha Absalon he’i Joábpe: Péina ápe, che amondókuri ndepiári, reju hag̃ua ko’ápe, romondo hag̃ua tetã ruvicha rendápe ha’e hag̃ua ichupe: Ma’erãpa ajúra’e Gesúrgui, iporãveva’erãmo’ã aime ramo gueteri upépe. Tahechána ko’ág̃a tetã ruvicha rova; ha oĩ ramo chepype angaipa tachejuka.

2 Samuel 15:9

Ha tetã ruvicha he’i ichupe: Tereho py’aguapy reheve. Ha ha’e opu’ã ha oho Hebrónpe.

2 Samuel 3:3

Pe mokõiha Quileab, péva Abigail memby, Nabal pe Carmelgua rembirekore; pe mbohapyha, Absalon, Maaca memby, péva Talmai, Gesur retã ruvicha rajy;

Salmokuéra 56:12

Che Ruete, ajapopáta ha’emava’ekue ndéve. Aikuave’ẽta che kuave’ẽmby, romomba’eguasu hag̃ua.

Eclesiástes 5:4

Nde rejapo ramo peteĩ promésa Ñanderuetépe, aníke reha’ãrõ rejapo peve, ejapo pya’e uvei nde reprometeva’ekue. Ha’e ndaipy’a rorýigui umi heko ñembotavýva ndive.

Isaías 28:15

Peẽ pejékuri: Ore roñembopy’apeteĩ ñemano ndive, ha omanóva retãygua ndive rome’ẽma avei ore ñe’ẽ; ág̃a og̃uahẽ vove pe jehavira ku yvytu vaietéicha, ndaorerupitymo’ãi, ore roiporavo pe japu ore ñemo’ãha ramo, ha ñembotavy rokañy hag̃uáme;

Jeremías 42:20

Mba’upépa pembotavyse pene ángape. Peẽ ningo chemondo Ñanderuete, pende Jára rendápe, pejévo: Eñembo’e orerehe Ñanderuete, Ñandejárape, ha eikuaauka oréve opaite mba’e Ñanderuete, Ñandejára, he’íva guive ore rojapose hekoitépe.

Josué 24:15

Ha ivai ramováicha peẽme peiko hag̃ua pende Ruete rembiguái ramo, peiporavóke mávapepa peikose tembiguái ramo: Pende ru jára gua’u ysyry Éufrates mboypýri guarépe, térãpa Amorgua jarakuérape, ijyvýpe peikopeína. Che ha che róga katu roikóta Ñanderuete rembiguái ramo.

1 Samuel 1:11

Ha oñembo’évo he’i: Yvága atykuéra Jára, ema’ẽ ne rembiguái jepy’apy rehe, ha ani nderesarái chehegui ha reme’ẽ ramo chéve che membyrã, peteĩ kuimba’e, che voi aikuave’ẽ jevýta ndéve hekove, ha iñakã rehe noñembohasamo’ãi kyse hãimbe (oikóta Nazaréo ramo).

1 Samuel 16:2

Ha Samuel he’i: Mba’éichapa aháta. Saul oikuaa ramo péva chejukáta. Ha Ñanderuete he’i jevy: Ejapyhy vaka apytégui peteĩ tóro ra’y, ha ere: Aju aikuave’ẽ hag̃ua kóva Ñanderuetépe g̃uarã.