2 Samuel 15:31

Ñanderuete Ñe’ẽ Porã 2015

Ha oñemomarandu Davídpe, oje’évo ichupe: Ahitófel oime Absalon ndive, umi oñemoĩmava’ekue nderehe apytépe. Upémaramo David he’i: Ñanderuete tombyai Ahitófel rekombo’epy.

Referencias Cruzadas

2 Samuel 15:12

Ha Absalon ohenoiuka Ahitófel, Giloguápe, David rekombo’ehára, itáva Gilógui. Upéicha pe ñepu’ã okakuaave ohóvo, ha heta hetave tetãygua oho Absalon rapykuéri.

2 Samuel 16:23

Upéicha Absalon ojapo Ahitófel ñe’ẽ; umi árape oñemo’ã voínte Ahitófel ñe’ẽ térã Ñanderuete ñe’ẽ peteĩchanteha. Péicha voi ojehechakuaa opaite Ahitófel ñe’ẽ taha’e David ndive, térã Absalon ndive.

2 Samuel 17:14

Upémaramo Absalon ha mayma Israelgua he’i: Husai, Aracgua ñe’ẽ iporãve Ahitófel ñe’ẽgui. Péva Ñanderuete rembiapo voi anítei ojejapo Ahitófel rekombo’e, ha Ñanderuete ombouségui mba’evai Absalon ári.

2 Samuel 17:23

Ha Ahitófel ohechávo ndojejapoiha ha’e ohekombo’e haguéicha, ojupi hymba búrro ári, ha oho itávape; ha omohenda porãmba rire hogapy, oho ojejuvy, upéicha ha’e omano, upéi oñeñotỹ ichupe itúva tyvýpe (sepultúrape).

2 Samuel 17:5

Upérõ Absalon he’i: Pehenói avei ko’ág̃a Husai, pe Aracguápe, ñahendu hag̃ua avei iñe’ẽ.

2 Samuel 17:7

Upérõ Husai he’i Absalónpe: Pe tekombo’e Ahitófel ome’ẽva’ekue naiporãi.

Job 5:12

Ñanderuete ombyai heko vaíva pensamientokuéra, ani hag̃ua ipokuéra ojapótei tembiapo vai.

Salmokuéra 109:3

Chemongora hikuái ipy’aro opukaha vaípe, reiete chejopy hikuái.

Salmokuéra 3:1

Nde, che Ruete, hetaiterei ningo umi chemuñáva ha oñemoĩva cherehe.

Salmokuéra 41:9

Ha che irũ iporãvéva oikóva chendive py’aguapypópe, hese che ajeroviáva, ha’e ho’u che rembi’u, ha ha’e jepeve oñemoĩma cherehe.

Salmokuéra 55:10

Ára ha pyhare ombojere joa hikuái ikorapyjere yvate, ha ñorãirõ ha ñehundi oĩ ipy’apýpe.

Salmokuéra 55:12

Cherayhu’ỹva oñembohory rire cherehe agueropu’akava’erãmo’ã, peteĩ cherehe ija’e’ỹva oñemoĩ rire cherehe, akañyva’erãmo’ã ichuguikuéra.

Isaías 19:3

Ha umi Egíptoygua ipy’aguasúva ogueve ohóvo ha iñakã porãva opa reíta ha oñembotavy hag̃ua omba’eporandúta ijára gua’úpe, ipaje apohakuérape, ita’ývõhárape (imba’ekuaávape) ha umi ohenóiva omanóva anguépe.

Isaías 44:25

Che ambyaipa proféta japu rembiapo ha ta’yvõhára (imba’ekuaáva) ñe’ẽngue, Che amotĩ umi karai arandu ha ahechauka itavyha, ha umi mba’e ha’ekuéra oikuaaukáva ndoikomo’ãi.

Juan 13:18

Penderehe ningo Che nañe’ẽi’aína, Che ningo aikuaa porã voi umi aiporavova’ekuépe, oikopa hag̃ua katu Ñanderuete kuatiañe’ẽme ojehaíva ojehu opaite ko’ã mba’e: Pe ho’úva chendive pe pan, omopu’ã ipy opyvoi hag̃ua cherehe, (Salmokuéra 41,9).

1 Corintoyguakuérape 1:20

Moõ piko oĩ iñarandúva. Moõ piko oĩ oporombo’ekuaáva. Moõ piko oĩ oñe’ẽkuaáva. Ñanderuete ombovýro rei opaichagua yvyarigua arandu.

Tiágo 3:15

Koichagua arandu ndoúi Ñanderuetégui; ko arandu kóva yvy peguánte uvei, ou yvyarigua ángagui ha añágui.