2 Samuel 15:27

Ñanderuete Ñe’ẽ Porã 2015

Tetã ruvicha he’i avei pa’i Sadócpe: Nandéi piko proféta. Ejevy py’aguapy reheve pe távape, ha toho nendive nde ra’y, Ahimaas, ha Jonatan, Abiatar ra’y.

Referencias Cruzadas

2 Samuel 15:34

Rejevy ramo távape, ha ere ramo Absalónpe: Tetã ruvicha, che aikóta ne rembiguái ramo aiko haguéicha nde ru rembiguái ramo; péicha rembyaikuaa cherehehápe Ahitófel ñe’ẽ.

2 Samuel 15:36

Ha hendivekuéra oime mokõive ita’ýra, Ahimaas, Sadoc ra’y ha Jonatan, Abiatar ra’y, ha’ekuéra rupi reikuaaukáta chéve opaite mba’e rehendúva guive.

2 Samuel 17:17

Ha Jonatan ha Ahimaas okañy Rogel ykua ypýpe, ha peteĩ kuña tembiguái oho jepi omomarandupa hag̃ua ichupekuéra, ha’ekuéra ndaikatúigui ojehechauka pe táva pévape; ha ha’ekuéra oho jepi omomarandupa hag̃ua tetã ruvicha Davídpe.

2 Samuel 18:19

Upémaramo Ahimaas, Sadoc ra’y, he’i: Añaníta ko’ág̃a, ame’ẽ hag̃ua tetã ruvichápe ko marandu Ñanderuete voi osalva hague ichupe mayma hese ija’e’ỹva pógui.

2 Samuel 24:11

Ha pyhareve David opu’ã rire, Ñanderuete ñe’ẽ ou proféta Gádpe, péva David techapahára, ha he’i ichupe:

1 Réyes 1:42

Ha oñe’ẽ aja gueteri hína ha’e, péina og̃uahẽ Jonatan, pa’i Abiatar ra’y, ha Adonías he’i ichupe: Eike, nde ningo kuimba’e py’aguasu ha reguerúne marandu pyahu ha iporãva.

1 Réyes 4:15

Ahimaas, Neftalípe, kóva omenda Basemat, Salomón rajy rehe.

1 Crónicas 25:5

Ko’ãva Heman ra’y meme, ha’e ningo tetã ruvicha proféta ha Ñanderuete omombarete hag̃ua Hemánpe ome’ẽ ichupe 14 ta’ýra ha mbohapy tajýra.

1 Crónicas 6:8

Ahitub ra’y, Sadoc; Sadoc ra’y, Ahimaas;

1 Samuel 9:6

Ha hembiguái he’i ichupe: Eikuaa porãke, ko táva kóvape oiko peteĩ Ñanderuete proféta, kuimba’e herakuã porãva; opaite ñe’ẽ he’íva guive ojehu katuete. Jahána hendápe, ikatu omyesakã porã ñandéve moõpa oĩ umi búrro kuña.

1 Samuel 9:9

Ymave guive oje’e Israélpe upe omba’eporandúva Ñanderuetépe péicha: Peju jaha techahára rendápe; ko’ág̃a katu ja’e proféta, omombe’u hag̃ua umi mba’e ojehútava, yma katu oñembohéra techahára.