2 Samuel 15:24

Ñanderuete Ñe’ẽ Porã 2015

Sadoc, ha hendive opaite Levi ñemoñarenguéra, omoirũ avei Davídpe ha ogueraha hendivekuéra Ñanderuete karameg̃ua, ipype oĩ Ñanderuete rembiapoukapykuéra; ha omohenda hikuái pe karameg̃ua peteĩ tendápe, Abiatar oikuave’ẽ hag̃ua ha osẽmba peve pe távagui umi omoirũséva Davídpe.

Referencias Cruzadas

2 Samuel 15:27

Tetã ruvicha he’i avei pa’i Sadócpe: Nandéi piko proféta. Ejevy py’aguapy reheve pe távape, ha toho nendive nde ra’y, Ahimaas, ha Jonatan, Abiatar ra’y.

2 Samuel 15:35

Upépe oĩta avei nendive pa’ikuéra Sadoc ha Abiatar. Upévagui rehendúva guive tetã ruvicha rógape, emombe’u pa’i Sadoc ha Abiatárpe.

2 Samuel 20:25

Seva kuatia haihára, Sadoc ha Abiatar, pa’ikuéra ramo;

2 Samuel 6:13

Ha Ñanderuete karameg̃ua ojeguerahamimi rire, 6 páso, David oikuave’ẽ peteĩ tóro ha peteĩ tóro ra’yrusu oñemongyrapyréva,

2 Samuel 8:17

Sadoc, Ahitub ra’y, ha Ahimélec, Abiatar ra’y, oiko pa’ikuéra ramo; Seraia kuatia haihára ramo;

1 Réyes 1:8

Pa’i Sadoc, Benaía, Joiada ra’y, pe proféta Natan, Simei, Rei ha mayma David mburuvichakuéra katu nomoirũi Adoníaspe.

1 Réyes 2:26

Ha tetã ruvicha he’i pa’i Abiatárpe: Tereho Anatótpe, nde kokuépe. Iporãva’erãmo’ã che rojukauka, ndorojukamo’ãi katu ko árape, regueraha haguére Ñanderuete, pe Jaraitéva karameg̃ua che ru David renondépe, ha rehaságui avei opaite jepy’apy che ru ndive.

1 Réyes 2:35

Ha tetã ruvicha omoĩ hendaguépe Benaía, Joiada ra’ýpe, isoldádo aty ruvichaguasu ramo, ha tetã ruvicha omoĩ Sadócpe pa’i ramo, Abiatar rendaguépe.

1 Crónicas 15:2

Upéramo David he’i: Ñanderuete karameg̃ua ojegueruva’erãva Leviguakuéra rupínte; Ha’e oiporavógui ichupekuérante oguerova hag̃ua pe karameg̃ua, ha’ekuéra oiko hag̃ua hembiguái ramo opaite árape.

Ezequiel 48:11

Ha umi pa’i oñemboykéva Ñanderuetépe g̃uarã, Sadoc ra’ykuéra, noñemongy’aiva’ekue ha ndopoiriva’ekue pende Ruete rapégui, umi Leviguakuéra katu omoirũva’ekue hetãyguakuérape omomba’eguasu hag̃ua ambue jára gua’úpe.

Números 4:15

Ha Aaron ha ita’yrakuéra oñu’ãmba rire pe óga jojohuha ha hembiporukuéra ojeguerova hag̃ua, ouva’erã Coat ra’ykuéra ogueraha hag̃ua, ndopokoiva’erã mba’evete rehe, oñemboykémava guive pende Ruetépe g̃uarã, ani hag̃ua omano hikuái. Ko’ãva hína Coat ñemoñarenguéra rembiaporãnguéra, pe óga jojohuhápe.

Números 7:9

Coat ñemoñarenguérape nome’ẽi mba’eve, ha’ekuéra oguerahagui ijati’y ári umi tembiporu oñemboykemava’ekue pende Ruetépe g̃uarã.

Josué 3:3

ha he’i hikuái hetãyguakuérape: Pehecha vove umi Levigua ogueraha Ñanderuete, Ñandejára karameg̃ua ñembopy’apeteĩ reheguáva, peẽ pesẽta avei peime hágui ha pehóta hapykuéri,

Josué 3:6

Ha Josue oñe’ẽ pa’ikuérape, ha he’i: Pejapyhy pe karameg̃ua ñembopy’apeteĩ reheguáva, ha pehasa tetãyguakuéra renonderãme. Ha ojapyhy hikuái pe karameg̃ua ñembopy’apeteĩ reheguáva ha oho hikuái hetãyguakuéra renonderãme.

Josué 6:4

Upejave 7 pa’i ogueraháta 7 turu ovecha ratĩguiguáva pe karameg̃ua renonderãme; ha pe ára 7-hápe pejeréta pe táva rehe 7 jevy, ha umi pa’i ombopuva’erã iturukuéra.

Josué 6:6

Ha Josue ohenói pa’ikuérape ha he’i ichupekuéra: Pegueraháta pe karameg̃ua ñembopy’apeteĩ reheguáva, ha 7 pa’i togueraha turu ovecha ratĩguiguáva Ñanderuete karameg̃ua renonderãme.

1 Samuel 22:20

Ha peteĩ Ahimélec ra’y, Ahitub ra’y, hérava Abiatar, okañy ha oho David rendápe.

1 Samuel 4:11

Ha Filisteayguakuéra ogueraha avei Ñanderuete karameg̃ua, ha ojejuka avei mokõive Eli ra’ýpe, Ofni ha Finees.