2 Samuel 14:18

Ñanderuete Ñe’ẽ Porã 2015

Upéramo David he’i pe kuñáme: Che ajerure ndéve ani reñomítei chehegui mba’evete amba’eporandútava ndéve. Ha pe kuña he’i: Eñe’ẽ che jára, che retã ruvicha.

Referencias Cruzadas

2 Samuel 14:17

Ne rembiguái katu he’i: Tajohu angapyhy ne ñe’ẽ rupi, che jára; che retã ruvicha ningo oiko Ñanderuete yvága rembiguáicha, oikuaa hag̃ua ivai ha iporãva. Péicha Ñanderuete, nde Jára toĩ nendive.

2 Samuel 14:19

Ha pe tetã ruvicha he’i: Noĩripa Joab po nendive opaite ko’ã mba’e ko’ãva rapykuéri. Pe kuña oñe’ẽ jevy ha he’i: Toikove che jára ánga nañañemboykekuaái akatúa térã asu gotýo, opaite che jára ha che retã ruvicha he’iva’ekuégui; añetéko, ne rembiguái Joab voi chembou, ha ha’e omoĩ ne rembiguái jurúpe ko’ã ñe’ẽ ko’ãva.

Jeremías 38:14

Upéi tetã ruvicha Sedequías omondo hembiguáipe Jeremías rendápe, ojegueru hag̃ua ichupe tetã ruvicha renondépe, Ñanderuete róga rokẽ mbohapyha ypýpe. Ha tetã ruvicha he’i Jeremíaspe: Aporandu porãse ndéve ha aníke reñomi chehegui mba’evete.

Jeremías 38:25

Ha umi mburuvicha oikuaa ramo che añe’ẽ hague nendive, ha ou ramo hikuái oporandu hag̃ua ndéve he’ívo: Emyesakã oréve mba’épa eréra’e tetã ruvichápe, aníke reñomi mba’eve orehegui, péicha ramo ndorojukamo’ãi; ha emombe’u avei oréve mba’épa tetã ruvicha he’íra’e ndéve.