2 Samuel 14:14

Ñanderuete Ñe’ẽ Porã 2015

Añetehápe ñande ningo ñamanombava’erã, ha jaiko ku ýicha oñeñohẽva’ekue yvýre, ndaikatuvéima oñemono’õ jevy; Ñanderuete voi ndoipe’amo’ãi pe tekove yvy apégui, oñeha’ãmba katu ou jevy hag̃ua pe oñemosẽva’ekuépe.

Referencias Cruzadas

2 Samuel 11:25

Ha David he’i pe ñe’ẽ rerahahárape: Péicha eréta Joábpe: Ani reñembyasy ko’ã mba’e rehe, pe kyse puku oporombokusugue voínte, pendyry mbareteve katu, pembopoguy peve pe táva. Péicha emokyre’ỹke ichupe.

2 Samuel 14:15

Aju amombe’u hag̃ua, ko’ã mba’e tetã ruvicha, che járape, tetãyguakuéra chemongyhyjéguinte; ha ne rembiguái he’i ipy’apýpe: Ha’éta ko’ã mba’e tetã ruvichápe; ikatúntemo ha’e ojapo hembiguái ñe’ẽ.

1 Réyes 11:39

Ha Che aipy’apýta David ñemoñarenguérape ko’ã mba’e rehe, ndaha’emo’ãi katu opaite árape.

Job 14:14

Kuimba’e ha kuña omano ramo, oikove jevýtapa; upéicharamo che rekove pukukue aha’ãrõta opa peve che jehasa asy, ha og̃uahẽ meve umi opytátava che rendaguépe.

Job 30:23

Che ningo aikuaa voi Nde cheguerahaseha ñemanorãme, pe óga oñembosako’íva mayma oikovévape g̃uarã.

Job 34:15

opavavete katuete omanova’erã ha ñandehegui oiko jevyva’erã yvy timbo.

Job 34:19

Ñanderuete ndohayhuvéi tetã ruvichápe, omboyke hag̃ua tembiguaikuérape; Ha’e nomomba’eguasuvéi ipirapire hetávape, imboriahúvagui; mayma yvyarigua ningo ipo rembiapokue voi.

Salmokuéra 22:14

Aiko ku y oñeñohẽ háicha, opaite che kanguekuéra ojehekyipa, che py’apy ha’ete ku araitýicha, hyku ohóvo che ryepýpe.

Salmokuéra 22:15

Ku kambuchi pehẽnguéicha ikã che mbarete, ha che kũ oja che apekũ rehe, ha Nde chemoĩ umi omanómava yvy timbokuápe.

Salmokuéra 58:7

Toguepa rei hikuái umi y osyrývaicha, ha opoi vove hikuái ihu’ykuéra, tove toñepehẽ’ãmba.

Salmokuéra 77:8

Opa piko ipy’aporã. Opa tapia piko iñe’ẽme’ẽmbyre iñemoñarenguérape g̃uarã.

Salmokuéra 79:3

Ha’ekuéra oñohẽ huguykue ýicha Jerusalen jerekue rehe, ha avave noñotỹséi ichupekuéra.

Salmokuéra 90:10

Ñande rekove pukukue ohupitýne 70 áño rupi, ha umi imbaretevéva ohupitýne 80 áño, upeaja katu ñamba’apo pohýi ha jahasa asy, pya’eiterei ohasa ñande rekove, ku ovevévaicha.

Salmokuéra 90:3

Nde remboyvy timbo jevy kuimba’e ha kuñakuérape ha ere: Pejevy peju haguégui.

Éxodo 21:13

Ha upe oporojukáva ojuka ramo hapichápe ojukase’ỹre, Ñanderuete ohejánte ho’a ipópe, upévape g̃uarã ahechaukáta peteĩ táva okañy hag̃uáme.

Eclesiástes 9:5

Umi oikovéva oikuaa porã omanotaha; umi omanova’ekue katu ndoikuaái mba’eve, ha noha’ãr­õvéima hembiapo repyrã; hesekuéra mandu’a opytapáma tesaráipe.

Lamentaciónes 3:31

Ñanderuete noporomboykéigui opaite ára peve g̃uarã,

Ezequiel 18:23

Avy’ánepa omano ramo heko vaíva, he’i pende Ruete. Nahániri, ndavy’aichéne heko vaíva omano ramo, avy’a katu heko vaíva opoi ramo heko vaígui oikove hag̃ua.

Levítico 26:40

Ha oñemombe’uva’erã hikuái heko ñañanguégui, ha ituvakuéra reko ñañanguégui, ha’ekuéra chembotavyse haguére ha oñemoĩ haguére cherehe.

Números 35:15

Ko’ã 6 táva oñekañyháme opytáta Israelguakuérape ha tetã ambueyguápe g̃uarã, okañy hag̃ua upépe umi oporojukáva oporojukase’ỹre.

Números 35:25

Ha pe aty osalvava’erã pe oporojukava’ekuépe, umi omanóva génte oñevengasévagui, ha omondo jevyva’erã ichupe pe táva oñekañyháme, ha’e oñemo’ã hag̃ua; upépe ha’e oikóta omano meve pe pa’iguasu, oñemonava’ekue acéite óga jojohuha pegua rehe.

Números 35:28

pe oporojukava’ekue oikova’erã pe táva mo’ãháme pa’iguasu omano meve; ha pa’iguasu omano rire, pe oporojukava’ekue oho jevyva’erã ijyvyteépe.

Matéo 22:16

Ha ombou hendápe hemimbo’ekuéra, umi Heródes reheguáva ndive, oporandu hag̃ua Hesúpe: Mbo’ehára roikuaa ningo nde rehayhuha pe añeteguáva, ha rembo’eha Ñanderuete rape hekópe, ha nderekyhyjeiha avavégui, Nde nerema’ẽigui yvyariguakuéra rehe, mba’eichaguápa ha’e.

Apostolkuéra 10:34

Upérõ Pédro oñepyrũ oñe’ẽ ha he’i: Añetehápe ko’ág̃a ahechakuaa Ñanderuete nomboykeiha avavépe.

Romayguakuérape 2:11

Ñanderuete ndoporombojuavýi, Ha’e ombojovake hekoitépe uvei opavavépe.

Deuteronómio 10:17

Ñanderuete, Ñandejaraite, Ha’e ningo opaite Jára Ru ha Karaiguasu oĩva opaite karaikuéra ári, Ñanderuete ituicha, ipu’akapa ha ojekyhyjeha. Ha’e nombojuavýi tetãnguéra ojuehegui ha avave ndikatúi ojopy ichupe ojapo hag̃ua ijyvyarigua rembipota, opaga heta ramojepe.

hebreoyguakuerape 9:27

Kuimba’ekuéra ha kuñakuéra omanova’erã háicha peteĩ jevýnte, ha uperire oikóta pe ñembojovakeguasu,

1 Pédro 1:17

Ha peẽ peñembo’e ramo Ñanderuetépe, peikuaa porãke Ha’e ombojovakéta peteĩteĩme hembiapokue rehe oporombojuavy’ỹva, upévare peiko kyhyjepópe yvy apére.