2 Samuel 13:6

Ñanderuete Ñe’ẽ Porã 2015

Ha Amnon oñeno ha oñembohasyete gua’u; ha tetã ruvicha ou oñandúvo ichupe. Ha’e he’i itúvape: Ajerure ndéve tou che reindy Tamar che rendápe, ha che renondépe tojapo mokõi mbeju, che ha’u hag̃ua ipógui.

Referencias Cruzadas

Genesis 18:6

Upéramo Abraham pya’ete oho Sára rendápe ha he’i ichupe: Pya’e ejapyhy 22 kílo trígo ku’i iporãvéva rejapo hag̃ua pan.

2 Samuel 13:5

Ha Jonadab he’i ichupe: Eñeno nde rupápe ha eñembohasyete gua’u; ha ág̃a nde ru ou ramo neandúvo, ere ichupe: Ajerure ndéve toumi che reindy Tamar chemongaru hag̃ua, ha tombosako’i che renondépe che rembi’urã, ha ahechávo ta’u ipo peguáre.

2 Samuel 13:7

Ha David omondo hembijokuáipe Tamar rógape ha he’i ichupe: Tereho ko’ág̃a nde kyvy Amnon rógape, ha ejapo hembi’urã.

Matéo 13:33

Hesu omombe’u avei ichupekuéra ambue ñe’ẽ mbojoja: Ñanderuete retãguasu ñesãmbyhy ningo ojoguaite pe levadúrape, peteĩ kuñakarai ombojehe’ava’ekue 40 kílo harína rehe ombovupa hag̃ua.