2 Samuel 13:39

Ñanderuete Ñe’ẽ Porã 2015

Ha tetã ruvicha pochy rendy Absalónre oguéma; hi’angapyhýmagui voi Amnon omanova’ekue rehe.

Referencias Cruzadas

Genesis 24:67

Ha Isaac ogueru pe kuñataĩme isy Sára róga rymba pirekueguiguápe ha omenda Rebécare, ha ohayhu ichupe; péicha Isaac oñemoangapyhy, isy omano rire.

Genesis 31:30

Ha reho ramo, rehecha nga’uetégui nde ru róga, mba’upe piko remonda chehegui che jára (ra’ãnga).

Genesis 37:35

Ha opu’ã ita’ýra ha itajyrakuéra maymáva omoangapyhy hag̃ua ichupe; ha’e katu noñemoangapyhyséi, ha he’i: Aguejyva’erã ao vosa reheve che ra’y rendápe, umi omanomava’ekue oĩháme. Ha itúva ojahe’ohína hese.

Genesis 38:12

Heta ára ohasa, ha omano Juda rembireko, Súa rajy. Ha Juda oñemoangapyhy rire ojupi Timnátpe ijovechakuéra apĩha rendápe, ha’e ha iñirũ Hira, pe Adulamgua ndive.

2 Samuel 14:1

Joab, Sarvia memby, oikuaávo tetã ruvicha py’apy ohecha nga’uitereiha Absalónpe,

Salmokuéra 119:20

Che ánga opaite árape ijy’uhéi ne ñe’ẽ arandu rehe.

Salmokuéra 84:2

Ijy’uhéi che ánga ha che py’aite guive aikose Ñanderuete rogaguasu korapykuérape, che py’apy ha che juru opurahéi hag̃ua Ñanderuete Oikovévape.

Deuteronómio 28:32

Pende ra’y ha pende rajykuéra oñeme’ẽva’erã ambue tetãyguakuérape ha pende resa ohechapava’erã, ko’ã mba’evai ha upévagui pendepy’akangýta opaite árape g̃uarã; ha pende pu’aka ojeíta.

Filipoyguakuérape 2:26

Ha’e voi ningo penderecha nga’u, ha ojepy’apyeterei peẽ pehendu haguére ha’e hasy hague.