2 Samuel 13:21

Ñanderuete Ñe’ẽ Porã 2015

Ha tetã ruvicha David oikuaa rire ko’ã mba’e ipochyeterei.

Referencias Cruzadas

Genesis 34:7

Ha Jacóbo ra’ykuéra oikuaa vove pe ojehuva’ekue ou hikuái pochypópe ñúgui; ha umi kuimba’e ombyasy joa ojejapo haguére ko tembiapo ky’a vai Israel rehe, orãirõgui Jacóbo rajýpe ha ojejapógui mba’evai ojejapo’ỹva’erãva.

Genesis 35:22

Ha ojehu ningo Israel (Jacóbo) oiko aja pe tetãme, Ruben oñeno itúva kuña Bílha ndive; ha pe mba’e ojekaauka Israélpe. Israel ra’ykuéra ningo 12.

2 Samuel 12:10

Pévarehe nde rógagui ndojei kyse puku, chemboyke haguére ha regueru haguére Urías, Het ñemoñare rembirekópe, ne rembireko ramo.

2 Samuel 12:5

David ohendúvo ko’ã mba’e ipochyeterei ha he’i Natánpe: Ñanderuete rekovére, pe tembiapo vai apohára ojejukava’erã.

2 Samuel 13:20

Ha ikyvy Absalon oporandu ichupe: Oiko piko ra’e nendive nde kyvy Amnon. Ekirirĩ katu che reindy; ha’e ningo ne pehẽngue; ani rejepy’apyeterei ko’ã mba’e rehe. Upéicha Tamar opyta Absalon rógape tuicha ñembyasy reheve.

2 Samuel 13:22

Ha Absalon katu nde’íri Amnónpe ivaíva ni iporãva; jepémo Absalon ipy’aro Amnon ndive, orãirõ haguére iteindýra Tamárpe.

Salmokuéra 101:8

Pyhareve ahavira meméta umi heko vaívape che retãme oikóva guive, ahundipa hag̃ua umi tekove ñaña oikóva guive Jerusalen, Ñanderuete távape.

1 Samuel 2:29

Mba’érehe piko pepyrũ che kuave’ẽmby rymba ha tembi’u rehegua rehe, Che voi aikuave’ẽukava’ekue pe óga jojohuhápe; ha nde rembotuichave nde ra’ykuérape chehegui, peñemongy’a umi mba’e iporãvévagui, Israelguakuéra oikuave’ẽva’ekue chéve.