2 Samuel 12:22

Ñanderuete Ñe’ẽ Porã 2015

Ha David he’i ichupekuéra: Oikove aja pe mitã, che ndakarúi ha cherasẽnte ha’égui chejupe: Mávapa oikuaa Ñanderuete oiporiahuverekónepa oikove hag̃ua pe mitã.

Referencias Cruzadas

2 Samuel 12:21

Ha hembiguaikuéra he’i ichupe: Mba’éiko ko’ã mba’e rejapóva. Pe mitã oikove ramo gueteri, nderekarúi ha nerasẽreína; ha omano rire, repu’ã ha rekaru.

2 Réyes 20:3

Ajerure ndéve, ore Ruete, nemandu’ami aiko hague hekoitépe ne renondépe, py’apy potĩ reheve, ha ajapopa hague Nde reipotáva guive. Ha Ezequías ojahe’o puku.

Isaías 38:5

Tereho ha ere Ezequíaspe: Pende Ruete, nde ru David Jára, péicha he’iuka ndéve: Ahendúkuri ne ñembo’e, ha ahecha nde resaykuéra, péina Che ambojoapyvéta 15 áño nde rekove pukukue.

Joel 1:14

Peñembyatypa, peguerosapukái ha pehasa karu’ỹme, opaite karai anciáno ha tetãyguakuéra peñembo’e pende Ruete rógape.

Joel 2:14

Ha mávapa oikuaáne, ikatu Ha’e ombyasy ha ome’ẽ jevy ijehovasa, peikuave’ẽ hag̃ua trígo ha víno pende Ruete, pende Járape g̃uarã.

Amos 5:15

Pepoi mba’evaígui, ha pehayhu mba’eporã, peiporu justícia añeteguáva, upéicharamo Ñanderuete, Yvága Atykuéra Jára oiporiahuvereko jevý Jose rembyremíme.

Jonas 1:6

Ha umi barcoguasu ruvicha oñemboja Jonas rendápe ha he’i ichupe: Mba’érehe piko rekereína. Epu’ã ha eñembo’e nde Járape, ikatu mba’éntemo ñandeporiahuvereko, nañamanombái ko y pochy rupi.