2 Samuel 12:17

Ñanderuete Ñe’ẽ Porã 2015

Ha ambue ko’ẽme umi karai hogayguáva opu’ã ha oho hendápe omopu’ã hag̃ua ichupe yvýgui; ha’e katu nopu’ãséi ha ndokaruséi avei hendivekuéra.

Referencias Cruzadas

Genesis 24:2

Ha Abraham he’i peteĩ hembiguáipe, pe hogapýpe itujavévape, ha oisãmbyhýva opaite mba’e ha’e oguerekóva guive: Emoĩ ko’ág̃a nde po che retyma ro’o guýpe,

Genesis 37:35

Ha opu’ã ita’ýra ha itajyrakuéra maymáva omoangapyhy hag̃ua ichupe; ha’e katu noñemoangapyhyséi, ha he’i: Aguejyva’erã ao vosa reheve che ra’y rendápe, umi omanomava’ekue oĩháme. Ha itúva ojahe’ohína hese.

2 Samuel 12:18

Ha pe ára 7-hápe omano pe mitã; ha David rembiguaikuéra okyhyje oikuaauka hag̃ua ichupe ita’ýra omanóma hague ha he’i hikuái ojupe: Pe mitã oikove aja gueteri tetã ruvicha nopenái ñane ñe’ẽre, mba’eichaitépa ojepy’apyvéta ja’e ramo ko’ág̃a ichupe ita’ýra omanóma hague.

2 Samuel 3:35

Upéramo mayma tetãyguakuéra ou David rendápe ha he’i ichupe okaru hag̃ua, ohasa mboyve pe ára. David katu ome’ẽ iñe’ẽ he’ívo ichupekuéra: Ñanderuete tachehavira ha tombojo’ave avei, che ha’u ramo pan térã oimeraẽ mba’e oike mboyve pe kuarahy.

Salmokuéra 102:4

Che py’a katu ikangypa ku ñana pirúicha, ha upévagui cheresarái ha’u hag̃ua che pan.

Daniel 6:18

Upéi pe tetã ruvicha oho hogaguasúpe, oñeno okaru’ỹre; ha ndoipotái ojegueru ikuña peteĩva jepe, ha ndaikatúi oke.

1 Samuel 28:23

Saul ndo’uséigui he’i: Nda’umo’ãi. Ha hembiguaikuéra ha pe kuña he’i jevy jey, ha’e ojapo hag̃ua iñe’ẽ. Upéi Saul opu’ã yvýgui ha oguapy peteĩ tupápe.