2 Samuel 12:14

Ñanderuete Ñe’ẽ Porã 2015

Ko’ã ne rembiapo vaiete rupi Ñanderuete rehe ija’e’ỹva oñe’ẽvaíta ha oñembohorýta, upévare nde ra’y onacétava katuete omanova’erã.

Referencias Cruzadas

2 Samuel 12:15

Ha Natan oho jevy hógape. Ha Ñanderuete ombohasyete pe mitãme Urías rembirekokue ome’ẽva’ekue Davídpe, ha hasyeteve ohóvo.

Nehemías 5:9

Ha che ha’eve ichupekuéra: Naiporãi umi mba’e pejapóva. Ndapekyhyjéi piko Ñanderuetégui, anive hag̃ua jaiko tetãnguéra ñanderehe ija’e’ỹva ñembohoryha ramo.

Salmokuéra 69:6

Ore Ruete anítei cherupi avave umi ojeroviáva nderehe opia nde rapégui, anítei cherupi avave ohundi pe esperánza umi nderekaséva apytégui, Nde ningo yvága atykuéra Jára iporãitéva, Ñanderuete ipu’akapáva.

Salmokuéra 74:10

Araka’e pevépa, Nde, ore Ruete, ha’ekuéra oremotĩ ha orejopy asýta. Oñembohory ha oñe’ẽ vaítapa opaite árape nde réra rehe.

Salmokuéra 94:12

Ovy’aite pe kuimba’e Nde rehekombo’éva, Nde, ore Ruete, ha rehechaukáva ne rembiapoukapy.

Salmokuéra 99:8

Ore Ruete, ore Jára, Nde rembohovái jepi ichupekuéra, reiko ichupekuéra g̃uarã peteĩ Jára oporoperdonáva ramo, ha reiko ichupekuéra avei peteĩ Jára oporohaviráva ramo.

Isaías 52:5

Ha ko’ág̃a mba’éiko ojehuhína, he’i pende Ruete, che retã ojegueraha reiete. Ha umi oñembojárava hesekuéra, sapukaipópe ombopoguy ichupekuéra, he’i pende Ruete, ha tapiaite oñembohory che réra rehe.

Amos 3:2

Tetãnguéra yvy ape apytégui Che poiporavova’ekue, upévare Che pohaviráta pemboyke haguére che rembipota.

Matéo 18:7

Angái ko múndo umi ñepysãnga rehe, oĩva’erã voínte ningo umi ñepysãngaha, angái katu upe kuimba’e térã kuña oporomoñepysãngáva ha oitýva ko’ã mitãme angaipápe.

Romayguakuérape 2:24

Ñanderuete kuatiañe’ẽme ningo he’i voi penderehe: Umi tetã ambueyguakuéra oñe’ẽvai Ñanderuete réra rehe pende reko vai rupi.

1 Corintoyguakuérape 11:32

Ñanderuete ñandehavira ani hag̃ua ñañehundi ambue yvyariguakuéra ndive.

hebreoyguakuerape 12:6

Ñanderuete ningo ohekombo’e pohýi umi ohayhúvape ha ohavira umi oikóvape ita’ýra ramo.

Apocalípsis 3:19

Che ningo ahekombo’e ha ahavira opaite ahayhúvape, upévare eñeha’ãmba reñembyasy hag̃ua rejapo vai haguére.