2 Samuel 12:13

Ñanderuete Ñe’ẽ Porã 2015

Upévo David he’i Natánpe: Añemoangaipa Ñanderuete ndive. Ha Natan he’i Davídpe: Ñanderuete neperdona ndéve, ne angaipa rehe neremanomo’ãi.

Referencias Cruzadas

Genesis 39:9

Ndaipóri tuichavéva chehegui ko ógape, ha mba’eve nomboykéi chehegui, ndéve añoite, nde ha’égui hembireko; mba’éicha piko che ajapóta ko mba’evai tuichaitéva, ha añemboheko vaíta Ñanderuete renondépe.

2 Samuel 24:10

David oipapaukapa rire hetãyguakuérape, ipy’apy ñe’ẽ oikarãi ichupe ha’e ojapo vai haguére ha David he’i Ñanderuetépe: Ivaiete che rembiapo ajapova’ekue; ha ko’ág̃a ajerure ndéve, eipe’a chehegui che angaipa, chetavyete aipapauka haguére che retãyguakuérape.

2 Samuel 24:17

Ha David he’i Ñanderuetépe, ohechávo pe yvága rembiguái ohundi hetãyguakuérape: Che añemoangaipákuri, che rembiapo iñañákuri; mba’éiko ojapóra’e che retãyguakuéra. Ajerure ndéve nde po tou che ha che ru róga ári.

1 Réyes 13:4

Tetã ruvicha Jeroboam ohendúvo Ñanderuete proféta ñe’ẽ he’íva kuave’ẽmby renda Bet-el pegua rehe oipyso ijyva kuave’ẽmby renda gotýo ha he’i: Pejapyhy ichupe; ipo oipysova’ekue katu ijypi ichugui, hatãmbáma, ha ndaikatuvéima omongu’e.

1 Réyes 21:20

Ha Acab he’i Elíaspe: Cherayhu’ỹva piko chejohu jevy. Ha Elías ombohovái ichupe he’ívo: Rojohu rejapo vaígui Ñanderuete renondépe, remondágui Nabot yvy pehẽngue.

1 Réyes 22:8

Israel retã ruvicha he’i Josafátpe: Oime gueteri peteĩ kuimba’e ikatúva omba’eporandu porã Ñanderuetépe, Miquéas, Imla ra’y; che katu ndache’a’éi hese, araka’eve nomombe’úigui chéve mba’eporã, ivaívamante. Ha Josafat he’i: Anítei tetã ruvicha péicha reñe’ẽ.

2 Réyes 1:9

Upéi, Okozías omondo ipiári peteĩ soldádo ruvicha, 50 soldádo reheve, ha oho hikuái Elías rendápe; ha péina Elías oguapyhína peteĩ cérro ru’ãme. Ha pe soldádo ruvicha he’i ichupe: Ñanderuete rembiguái, tetã ruvicha he’iuka ndéve reguejy hag̃ua.

1 Crónicas 21:8

Upémaramo David he’i Ñanderuetépe: Che rembiapo vaiete, ajerure ningo emboguemi che reko ñaña, ajapógui ko’ã mba’e tarovapópe.

2 Crónicas 16:10

Upévare Asa ipochy pe proféta ndive, ha omoinge ichupe cárcelpe, ipochyetereígui ko’ã ñe’ẽ ko’ãva rehe. Umi árape Asa ojopy vai avei heta hetãyguakuérape.

2 Crónicas 25:16

Pe proféta he’ívo ko’ã mba’e ichupe, ha’e ombohovái ichupe: Reñemoĩ piko ra’e tetã ruvicha rekombo’eha ramo. Ejehejána umi mba’égui. Mba’upéiko remanose. Ha ha’e oñe’ẽmbávo, pe proféta he’i jevy ichupe: Che aikuaa Ñanderuete he’íma hague Ha’e nehunditaha, rejapo haguére ko mba’e ha nerehendúigui che ha’éva ndéve.

Job 33:27

Ha’e opurahéi jevýta hapicha aty renondépe ha he’íta: Añemohembiapo vai ha che reko ivai, Ñanderuete katu cheperdona ha nomyengoviái chéve che rembiapo vaikue.

Salmokuéra 103:12

Kuarahyresẽ imombyry háicha kuarahyreikégui, péicha Ha’e omomombyry ñandehegui ñande reko ñaña rembiapo vai.

Salmokuéra 51:16

Ndereipotáigui ovecha ruguy che ame’ẽkuaáva, ndereipotái kuave’ẽmby ojehapypáva.

Salmokuéra 51:4

Nderehénte che añemoangaipa, ha ajapo ivaíva nde resakuéra renondépe, ne ñe’ẽ rupi ojekuaa porã Nde rembojovake porã hague ha nde jurúgui osẽva heko pegua memete.

Salmokuéra 51:6

Péina ápe, Nde rehayhu pe hekoite pegua osẽva yvyarigua py’apýgui, upévare cherekombo’e porã ha rehechauka chéve ne arandu.

Éxodo 9:27

Upéramo faraon ohenoiuka Moises ha Aarónpe, ha he’i ichupekuéra: Che añemohembiapo vai jevy.

Mga Kawikaan 25:12

Iñe’ẽrendúvape g̃uarã pe tekombo’e iñarandúva jurúgui osẽva, ojogua pe kuãirũ ha namichãi oroguiguápe.

Mga Kawikaan 28:13

Pe omokañýva hi’angaipa ndoiko porãi, ha upe oñemombe’úva ha oñemboykéva tembiapo vaígui ohupityva’erã perdon.

Isaías 38:17

Añetehápe ko jehasa asy rupi ahupity tekove pyahu porã ha Nde cheguenohẽ che jejopy vaietégui ha reitypa avei nde rapykue gotýo che rembiapo vaikuerakue.

Isaías 43:24

Nderejoguái chéve g̃uarã mba’e hyakuã asýva, ha nachembovy’ái ne kuave’ẽmby kyrakuépe, remoĩ uvei che ári ne rembiapo vaieta ha ne aña reko chemokane’õva.

Isaías 44:22

Pe yvytu omosarambi háicha araikuéra, péicha cheresaráita ndehegui reñemoĩ haguére cherehe ha opa háicha pe tatatĩna, péicha amboguéta ne rembiapo vaieta. Ejevýke che rendápe, Che roperdonáma.

Lamentaciónes 3:32

oporopy’apy ramojepe, oiporoporiahuvereko jevýta, tuichaitereígui imborayhu.

Levítico 20:10

Peteĩ kuimba’e oñeno ramo hapicha rembireko ndive, upe kuimba’e ha upe kuña ojejukava’erã.

Levítico 24:17

Upéicha avei pe kuimba’e ojukáva hapichápe, ojejukava’erã avei.

Zacarías 3:4

Ha pe yvága rembiguái oñe’ẽ ha he’i umi henondépe oĩvape: Peipe’a ichugui ijao ky’a vai. Ha ha’e he’i Josuépe: Péicha aipe’a ndehegui ne rembiapo vai, ha romondeuka ao ijeguakapávape.

Matéo 14:10

ha oñakã’ouka Juánpe, oĩva cárcelpe.

Lúcas 15:21

Upérõ pe karia’y he’i itúvape: Che ru, tuicha che ajavy Ñanderuete ndive ha nendive avei, ndaijavéima chéve aiko hag̃ua nde ra’y ramo.

Lúcas 18:13

Upe impuésto mbyatyhára katu ndoikeséi Ñanderuete rogaguasúpe, ha okápe oñembo’e ojesaupi’ỹre yvága gotýo, ha oinupã ipo ipyti’áre, he’i: Che Ruete cheperdonamína, che ningo mba’evai apohára.

Apostolkuéra 2:37

Ohendúvo ko’ã mba’e ojepy’ajopy joa hikuái, ha oporandu Pédro ha umi ambue apostolkuérape: Ore ryke’ykuéra, mba’e piko rojapóta.

hebreoyguakuerape 9:26

Upeicha’ỹ rire Hesu Crísto omanova’erãmo’ã heta jevy, ko yvy ojejapo guive; ko’ág̃a katu opávo umi ára atyguasu Ha’e voi oñekuave’ẽma peteĩ jevýnte operdona hag̃ua tetãyguakuéra rembiapo vai.

1 Juan 1:7

Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

1 Samuel 15:20

Ha Saul he’i jevy Samuélpe: Che ajapóma Ñanderuete ñe’ẽ, ha aha jokuaipyre ramo Ñanderuete chemondo haguépe, aguerúnte Agágpe, Amalec retã ruvicha, ambue Amalecguakuérape ahundipa.

1 Samuel 15:30

Ha Saul he’i jevy: Che añemoangaipa, ajeruréko ndéve chemomba’eguasu Israel karai ancianokuéra ha tetãyguakuéra renondépe ha ejevy chendive che amomba’eguasu hag̃ua nde Járape.