2 Samuel 11:26

Ñanderuete Ñe’ẽ Porã 2015

Urías rembireko oikuaávo iména omano hague, ojahe’o hese.

Referencias Cruzadas

Genesis 27:41

Ha Esau ipochyete Jacóbo ndive, itúva ohovasa haguére ichupe, ha he’i ipy’apýpe: Ág̃ante og̃uahẽne che ru omanoha ára, uperire ajukava’erã che ryvy Jacóbope.

Genesis 50:10

Ha og̃uahẽ hikuái Goren Ha Atad ñemitỹha renda peve, opytáva Jordan mboypýri ha upépe heta ojahe’o asy hikuái; ha Jose oguerombyasy itúvape 7 ára pukukue.

2 Samuel 11:25

Ha David he’i pe ñe’ẽ rerahahárape: Péicha eréta Joábpe: Ani reñembyasy ko’ã mba’e rehe, pe kyse puku oporombokusugue voínte, pendyry mbareteve katu, pembopoguy peve pe táva. Péicha emokyre’ỹke ichupe.

2 Samuel 14:2

omondo Tecóape ogueru hag̃ua peteĩ kuña iñarandúva, ha he’i ichupe: Ajerure ndéve, reiko hag̃ua imba’embyasy gua’úva ramo, eñemonde ao vosá, ani remohyakuã nde rete acéite ryakuã porãme, reikóta uvei peteĩ kuña are guivéma oikóva imba’embyasýva ramo peteĩ omanomava’ekue rehe.

2 Samuel 3:31

Upémaramo David he’i Joábpe ha mayma tetãygua hendive oĩvape: Pemondoro pende aokuéra, ha pemonde ao hũ ha peñemomba’embyasy Abner omano haguére. Ha pe tetã ruvicha David oho Abner re’õngue oĩháme (oñotỹ hag̃ua).

1 Réyes 21:16

Ha Acab ohendúvo, Nabot omanóma hague, opu’ã oguejy Jizreélpe, Nabot parraltykuére, oñemomba’e hag̃ua.

Deuteronómio 34:8

Ha Israel ñemoñarenguéra oguerojahe’o Moiséspe, Moab ñúme, 30 ára pukukue; ha uperire omboty umi jahe’oha ha ñembyasyha ára Moises rehe.

1 Samuel 31:13

Ha ogueraha ikanguekue oñotỹ hag̃ua peteĩ yvyra guýpe Jabéspe, ha 7 ára pukukue ohasa hikuái okaru’ỹ rehe.