2 Samuel 11:11

Ñanderuete Ñe’ẽ Porã 2015

Ha Urías he’i jevy Davídpe: Ñande Ruete karameg̃ua oĩ carpaguýpe, Israelgua ha Judayguakuéra, che jára Joab, ha che jára rembiguaikuéra oikopa ñúre. Ha chépa aikéta che rógape akaru ha amboy’u hag̃ua ha ake hag̃ua che rembireko ndive. Nde rekove rehe, ha ne ánga rekove rehe, che ndajapomo’ãi ko’ãichagua mba’e.

Referencias Cruzadas

2 Samuel 11:10

Ha oñemombe’u ko’ã mba’e Davídpe, oje’évo ichupe: Urías ndohói hógape. Ha David he’i Uríaspe: Nde ndereguata pukúi pikora’e. Mba’éreiko nde nderehói nde rógape.

2 Samuel 14:19

Ha pe tetã ruvicha he’i: Noĩripa Joab po nendive opaite ko’ã mba’e ko’ãva rapykuéri. Pe kuña oñe’ẽ jevy ha he’i: Toikove che jára ánga nañañemboykekuaái akatúa térã asu gotýo, opaite che jára ha che retã ruvicha he’iva’ekuégui; añetéko, ne rembiguái Joab voi chembou, ha ha’e omoĩ ne rembiguái jurúpe ko’ã ñe’ẽ ko’ãva.

2 Samuel 20:6

Upéicharõ David he’i Abisaípe: Seba, Bicri ra’y, ko’ág̃a ojapóta ñanderehe mba’evaieteve Absalóngui; upévare ejapyhy nde jára rembiguaikuéra, ha tereho hapykuéri anítei oike peteĩ táva oñemongorávape ha okañy ñandehegui.

2 Samuel 7:2

Tetã ruvicha he’i proféta Natánpe: Ema’ẽmína, che aiko peteĩ óga yvyra cedroguiguávape ha Ñanderuete karameg̃ua oñemo’ã aosãingo kupépe.

2 Samuel 7:6

Añetehápe ndaikói ogapýpe, anohẽ guive Israel ñemoñarenguérape Egípto retãgui ko ára kóva peve, aikónte óga aoguiguápe pe karameg̃ua oĩháme.

Números 32:6

Ha Moises he’i Gad ha Ruben tribukuérape: Pene pehẽnguekuéra oho joáta ñorãirõháme ha peẽ pepytase piko ko’ápe.

Juan 13:14

Che pene mbo’ehára ha pende Jára, pombojepyhéi ramo, peẽ avei peñombojepyheiva’erã ojupekuéra.

2 Timotéope 2:12

jahasa asy ramo ñaína hesehápe, ñande ñaisãmbyhyva’erã avei hendive; ñande ñambotovérõ (ñanegárõ) ichupe, Ha’e avei ñanembotoveva’erã.

1 Samuel 1:26

Ha Ána he’i ichupe: Nde karaiguasu, nde rekovére, che ningo pe kuñakarai añembo’eva’ekue ko’ápe nde ypýpe Ñanderuetépe ha ajerure ichupe che membyrã rehe.

1 Samuel 14:18

Ha Saul he’i Ahíaspe: Eru Ñanderuete karameg̃ua. Umi árape pe karameg̃ua oĩva’ekue Israelguakuéra atýpe.

1 Samuel 17:55

Saul ohechávo Davídpe mba’éichapa ha’e oho ojeity hag̃ua pe Filisteaygua ári, he’i Abner isoldádo ruvichápe: Abner, mávapa ko mitãrusu ru, ha Abner he’i ichupe:

1 Samuel 20:3

Ha David oñe’ẽ jevy he’ívo: Nde ru oikuaa voi nde cherayhuha, ha he’íta: Jonatan ani oikuaa, anítei hi’ánga oñembyasy; añetehápe Ñanderuete ha ne ánga rekovére che ha’e ndéve, che ag̃uahẽmaha che ñemano rokẽme.

1 Samuel 25:26

Upévare ko’ág̃a, che jára, Ñanderuete ha ne ánga rekovére Ha’e ndohejái gueteri reñohẽ tuguy, ha remyengoviapa nde po rupiete. Nabálicha toiko nderehe ija’e’ỹva, ha mayma oñeha’ãva ojapo hag̃ua ivaíva nde, che jára rehe.

1 Samuel 4:4

Ha omondo hikuái tetãyguakuéra ijapytégui, ogueru hag̃ua pe karameg̃ua, oĩva yvága atykuéra Jára querubinkuéra (angelkuéra) ra’ãnga mbytépe ha mokõive Eli ra’y, Ofni ha Finees, omoirũ pe karameg̃ua.