2 Samuel 11:1

Ñanderuete Ñe’ẽ Porã 2015

Ojehu uperiregua áñope, umi ára tetã ruvichakuéra osẽ jepi oñorairõ hag̃ua, David katu omondónte Joábpe, hembiguaikuéra ha ambue Israelguakuéra ndive ohundi hag̃ua Amonguakuérape, upévare Joab omongora itáva Raba; David katu opyta Jerusalénpe.

Referencias Cruzadas

2 Samuel 10:14

Amon ñemoñarenguéra ohechávo umi Siriaygua okañymbamaha, ha’ekuéra okañy avei Abisai renonderãgui, ha oikepa itavapýpe oñemo’ã hag̃ua. Ha Joab oheja Amon ñemoñarenguéra ha ojevy Jerusalénpe.

1 Réyes 20:22

Upéi pe proféta og̃uahẽ jevy tetã ruvicha Acab rendápe ha he’i ichupe: Tereho, eñemombarete, ha ema’ẽ porãke ne rembiaporã rehe, peteĩ áño haguépe, Síria retã ruvicha ou jevýtagui ojeity hag̃ua ndeári.

1 Réyes 20:26

Ohasa rire peteĩ áño, Ben-adad ombyaty jevy Síria soldadokuérape, ha ou Afécpe oñorãirõ hag̃ua Israelguakuéra ndive.

1 Crónicas 20:1

Ha ojehu ohasávo pe ambue áño, umi ára tetã ruvichakuéra osẽ hag̃ua ñorãirõme, Joab oguenohẽ isoldádo aty tuichakue ha ohundi Amon ñemoñarenguéra yvy, ha ou omongora Raba. Ha David opyta Jerusalénpe; ha Joab oity Raba ha ombyai.

2 Crónicas 36:10

Opa mboyve pe áño péva tetã ruvicha Nabucodonosor ombou hembiguaikuérape oguerahauka hag̃ua ichupe Babilóniape, umi mba’erepy Ñanderuete róga pegua reheve, ha omoĩ ityvýra Sedequíaspe Jerusalen ha Juda retã ruvicha ramo.

Salmokuéra 60:9

Mávapa chegueraháta pe táva oñemombaretévape, ha mávapa chegueraháta Edómpe.

Eclesiástes 3:8

Ojehayhu hag̃ua hi’ára, ha ojejahéi hag̃ua hi’ára avei; ñorãirõguasu hi’ára, ha py’aguapy hi’ára avei.

Jeremías 49:2

Upévare outahína pe ára, he’i pende Ruete, ahendukataha ñorãirõ sapukái Rabápe, Amon ñemoñarenguéra távape; ha itaperéta ha ojehapýta itavakuéra ha Israélpe oñeme’ẽ jevýta ijyvy, ha’ekuéra oipe’a reiva’ekue ichuguikuéra, he’i pende Ruete.

Jeremías 49:3

Ejahe’o, nde Hesbon, oñembyaipámagui Hai; pesapukái, peẽ tavakuéra peiméva Raba jerekuévo ha peñemonde ao vosakuépe, pejahe’o ha pejere rei pe korapy ryepýpe, ojeguerahágui Milcomguakuéra jepokuapýpe, ipa’i ha imburuvichakuérape.

Ezequiel 21:20

Ehechauka hu’y rupi pe tape ohóva Rabápe, Amon ñemoñarenguéra tavaguasúpe; ha pe ambue hu’y Jerusalénpe, Judayguakuéra tavaguasúpe; ko’ã tape rupi ohasáta pe kyse puku.

Amos 1:14

Ambojáta tata Raba táva tápia yvate rehe, ha ahapýta hogaguasukuéra ñorãirõ ryapuguasu reheve, oipeju jave pe yvytu hatãitéva.

Zacarías 14:3

Upéramo Ñanderuete osẽta oñorãirõ hag̃ua umi tetãnguéra ndive, oñeñorãirõ háicha ñorãirõguasuha árape.

Deuteronómio 3:11

Og, Basan retã ruvicha añoite hembyva’ekue umi kuimba’e ijyvateitereígui (gigántegui). Hupa hierroguigua, oĩ gueteri Rabápe, Amon ñemoñarenguéra távape; hupa ipuku 3,94 métro ha ipe 1,75 métro.

1 Samuel 18:30

Ha Filisteaygua ruvichakuéra osẽ vove ñorãirõme; David ombopoguyve hese ija’e’ỹvape ambue Israel soldádo ruvichágui, péicha rupi herakuã porãve ohóvo.