2 Samuel 10:18

Ñanderuete Ñe’ẽ Porã 2015

Joab ombopoguy katu Siriayguakuérape ohundívo 700 cárro ñorãirõ reheguávape ha ojuka 40.000 kuimba’e kavaju ariguápe; ha oikutu avei Sobácpe, isoldádo aty ruvichápe, ha ojuka ichupe.

Referencias Cruzadas

2 Samuel 10:17

Ha péva ojekuaaukávo Davídpe, ha’e ombyatyuka opaite Israelguápe, ha ohasa rire hendivekuéra pe ysyry Jordan rupi ou Helámpe, ha Siriayguakuéra oñemoĩ oñorãirõ hag̃ua David ndive, ha ojeity Israelguakuéra ári.

2 Samuel 8:4

Ha David ogueru ijapytégui 1700 kavaju arigua, ha 20.000 kuimba’e yvy rupigua; ha David oikytĩukapa ñorãirõ cárro kavaju retyma rajygue ohejánte ohungauka’ỹre ichupe g̃uarã umi kavaju oikotevẽva 100 cárrope g̃uarãnte.

1 Réyes 11:24

Ha’e ombyatýma hapichakuéra omopu’ã hag̃ua hese, ha oiko peteĩ soldádo aty ruvicha ramo, David omosarambírõ guare Sobayguakuérape. Upéi oho hikuái Damáscope ha oiko upépe, ha omoĩ hikuái ichupe Damásco retã ruvicha ramo.

1 Crónicas 19:18

Ha Siriayguakuéra okañy Israel renonderãgui ha David ojuka Siriayguakuéragui 7.000 kuimba’e cárro pegua, ha 40.000 yvy rupigua; ojuka avei Sofácpe, isoldádo aty ruvicha.

Salmokuéra 18:38

Amongu’ipa ichupekuéra anive hag̃ua opu’ã jevy hikuái, ha ho’apa peve che py guýpe.

Salmokuéra 46:11

Ñanderuete, yvága atykuéra Jára, oĩ ñanendive, Jacóbo Jára ningo ñane mo’ãhára. Selah

Salmokuéra 68:2

Nde remombóta ichupekuéra, ku yvytu ogueraha háicha tatatĩ, ku araity hyku háicha oñandúrõ tata aku, péicha omanombáta umi heko vaíva Ñanderuete renondépe.

Juéces 4:2

Ha Ñanderuete ome’ẽ ichupekuéra Jabin, Canaan retã ruvicha pópe, ha péva oiko tetã ruvicha ramo Hazórpe; ha isoldádo aty ruvicha héra Sísara, ha péva oiko Haroset-goímpe.

Juéces 4:22

Ha Barac ohóvo Sísara rapykuéri, Jael osẽ omomaitei hag̃ua ichupe, ha he’i: Eju, ahechaukáta ndéve pe kuimba’e nde rehekávape. Ha ha’e oike Jael oĩháme, ha péina ápe Sísara re’õngue ojepyso upépe, ha pe yvyra akua mbyky oĩ isyva yke rehe.

Juéces 5:26

Ipojái yvyra mbyky akua rehe, ha ijakatúape pe martílloguasu rehe oinupã hag̃ua Sísara akã rehe, ohasa peve iñakã yke mokõivéva rupi.