2 Samuel 10:12

Ñanderuete Ñe’ẽ Porã 2015

Eñemombaretéke ha ñañeha’ãmbaitéke ñane retã rehehápe ha Ñanderuete táva rehehápe; Ñanderuete tojapo ichupe iporãve háicha.

Referencias Cruzadas

2 Samuel 10:11

Upéi Joab he’i Abisaípe: Umi Siriaygua imbareteve ramo chehegui, eju chepytyvõ hag̃ua; ha Amon ñemoñarenguéra imbareteve ramo ndehegui che roipytyvõta.

2 Samuel 15:26

ha he’i ramo: Nde ndachembohoryvéi, ápe aĩ, Ha’e tojapo chehegui ichupe iporãve háicha.

1 Crónicas 19:13

Eñemombaretéke ha ñañeha’ãke ñane retã rehe ha Ñanderuete tavakuéra rehe; ha Ñanderuete tojapo ichupe iporãve háicha.

2 Crónicas 32:7

Peñeha’ãke ha peñembohetia’éke, ani pekyhyjétei Asíria retã ruvichágui ha pe atyguasuete hendive oúvagui; hetave oĩ ñanendive, hendive oĩvagui.

Nehemías 4:14

Ama’ẽmba rire apu’ã ha ha’e mburuvicha ha opaite tetãyguakuérape: Aníke pekyhyjétei henondepekuéra, penemandu’áke uvei Ñanderuete rehe, tuichaite ha oporomongyhyjévare, peñorãirõ pende ryke’yrakuéra rehehápe, pende ra’ykuéra ha pende rajykuéra rehehápe, pene rembireko ha pende rogayguakuéra rehehápe.

Nehemías 4:8

ha opavave oñemoĩ peteĩ ñe’ẽme oupa hag̃ua hikuái Jerusalen ári ombyaipa jevy hag̃ua Judayguakuéra rembiapo.

Ester 4:16

Tereho ha embyatypaite Judayguakuéra Súsape oikóva guive, ha peiko karu’ỹme cherehehápe, ani pekaru ha ani pey’útei mbohapy ára ha pyhare pukukue, ha che, che kuñataĩkuéra ndive aikóta avei karu’ỹme, ha uperire aikéta ahecha hag̃ua tetã ruvichápe amboyke ramojepe pe tembiapoukapy péva ha amano ramo, tove tamano.

Job 1:21

he’ívo: Opívo asẽva’ekue che sy ryégui, ha opívo aha jevýta, Ñanderuete ome’ẽmba ha Ha’e oipe’apa, amomba’eguasu Ñanderuete réra.

Números 13:20

ha mba’eichagua kokuépa, iporãpa oñeñemitỹ hag̃ua térã nahániri, oĩpa ipype ka’aguy térã nahániri; peñemombaretéke ha pemono’õ hi’akuéra. Heta parralkuéra oñepyrũma hi’a.

1 Corintoyguakuérape 16:13

Peñeñangarekóke! Pepyta hatãkena pende jeroviápe, peñomokyre’ỹ ha peñomombaretéke.

Deuteronómio 31:6

Peñeha’ã ha peñemombaretéke; ani pekyhyjétei, ha ani peñemondýi ichuguikuéra, Ñanderuete, Ñandejára, ohóta penendive; Ha’e ndopoimo’ãi pendehegui ha napenemotyre’ỹmo’ãi.

Deuteronómio 31:7

Ha Moises ohenói Josuépe ha he’i ichupe mayma Israelguakuéra rovake: Eñeha’ãke ha eñemombaretéke, nde remoingéta ko tetãme, pe yvy Ñanderuete he’imava’ekue ñande ypykuérape ome’ẽtaha, ha nde remboja’óta ichupekuéra g̃uarã ijyvyrã.

hebreoyguakuerape 11:33

Jerovia rupi Israelguakuéra ombopoguyva’ekue ambue tetãnguérape, oporombojovake hekópe, ohupity Ñanderuete oprometeva’ekue ichupekuéra, ombotyva’ekue leõ jurukuéra,

hebreoyguakuerape 13:6

Ja’e uvei jeroviapópe ha kyhyje’ỹre: Ñanderuete ningo che pytyvõhára ha ndakyhyjemo’ãi: Mba’e piko ikatúne ojapo cherehe che rapichakuéra, (Salmokuéra 118,6).

Josué 1:18

Oimeraẽ oñemoĩva ne rembiapoukapy rehe, ha ndojapóiva umi mba’e nde eréva guive omanova’erã; eñeha’ãmbaitéke ha ndepy’aguasúke.

Josué 1:9

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.

Juéces 10:15

Ha umi Israel ñemoñare he’i jevy Ñanderuetépe: Roñemoangaipákuri, ejapo orehegui ndéve iporãve háicha rojeruremínte ndéve oresalva hag̃ua ko árape ko jejopy asyetégui.

1 Samuel 14:12

Ha umi Filisteaygua soldádo he’i Jonatan ha hembiguáipe: Peju ore rendápe ha roikuaaukáta peẽme peteĩ mba’e. Upéramo Jonatan he’i iñorãirõ rembiporu oguerovávape: Ejúke che rapykuéri, Ñanderuete omoĩma ichupekuéra Israel pópe.

1 Samuel 14:6

Ha Jonatan he’i hembiguáipe: Eju jaha ko’ã kuimba’e ipire’i oñekytĩ’ỹva rendápe, ikatu Ñanderuete ojapo ñanderehehápe oimeraẽ mba’e, ndahasyiete ichupe g̃uarã oporopytyvõ heta térã mbovy (kuimba’e) rupi.

1 Samuel 17:32

Ha David he’i Saúlpe: Anítei avave ipy’a kangy péva rupi; ne rembiguái ohóta ha oñorãirõta ko Filisteaygua ndive.

1 Samuel 3:18

Ha Samuel omombe’upa ichupe, oñomi’ỹre ichugui mba’eve. Upémaramo Eli he’i: Ñanderuetépe tojapo iporãve háicha ichupe.

1 Samuel 4:9

Peñemombaretéke, peẽ Filisteayguakuéra, ha peñemokuimba’e rekóke ani hag̃uátei peiko Israelguakuéra rembiguáirõ, ha’ekuéra oiko haguéicha pene rembiguái ramo; peneñemokuimba’e rekóke ha peñorãirõ mbaretéke.