2 Samuel 1:21

Ñanderuete Ñe’ẽ Porã 2015

Gilbóa cerrokuéra rehe anive ho’a ysapy ha ama, ha pende yvýpe anítei oñemono’õve mba’eve; upépe oñemongy’águi ipy’aguasúva rete mo’ãha ha Saul rete mo’ãha oñemona’ỹrõ guáicha acéite reheve.

Referencias Cruzadas

1 Crónicas 10:1

Filisteayguakuéra ojeity Israel ári; ha Israelgua okañy henonderãgui, ha heta ho’a ipopekuéra ha ojejuka Gilbóacérrope.

1 Crónicas 10:8

Iko’ẽ jevývo, umi Filisteaygua ou ogueraha hag̃ua umi omanomava’ekue mba’ekue, ha ijapytépe ojohu hikuái Saul ha ita’yrakuérape ojepysóva Gilbóa cérrope.

Cantar de los cantáres 4:4

Nde ajúra, ha’ete ku David róga yvate oñemopu’ãva’ekue itágui iñorãirõ rembiporu rendag̃ua; 1000 hu’y mo’ãha osãingo joáva hese, ipy’aguasúva hu’y ryru reheve.

Isaías 21:5

Oñemoĩma pe mesa, ojepysóma umi guapyha okaru ha hoy’u hag̃ua. Néike mburuvichakuéra pepu’ã pemona hag̃ua acéite rehe pende rete mo’ãha.

Isaías 5:6

Ahejáta ta’itapere; noñehakã’omo’ãvéima ha ndojejo’omo’ãi hapo jerekue rehe, okakuaa hag̃ua ipype ñana ha ñuatĩndy; ha umi araípe ha’éta ani hag̃ua oñohẽtei ama hi’ári.

Ezequiel 31:15

Péicha he’i pende Ruete: Ha’e oguejyha ára omanóva retãme, ambuekuéra oñembyasýta, amondeuka ao vosakuépe pe yguasu hypa haguére, ha ajoko umi ysyry, ha umi yeta opytapa; hese pe Líbano oñembyasy, ha mayma yvyra ñu rupigua ipy’amanomba.

Joel 1:9

Pe kuave’ẽmby tembi’u ha víno rehegua opáma pende Ruete rógape, ha ipa’ikuéra oñembyasyetéta opa haguére pe tembiapo pende Ruetépe g̃uarã.

Joel 2:14

Ha mávapa oikuaáne, ikatu Ha’e ombyasy ha ome’ẽ jevy ijehovasa, peikuave’ẽ hag̃ua trígo ha víno pende Ruete, pende Járape g̃uarã.

Juéces 5:23

Pemaldeci pe táva Merózpe, he’i Ñanderuete yvága rembiguái, itavayguakuéra noipytyvõi haguére Ñanderuetépe ni ipy’a guasúvape.

1 Samuel 10:1

Upéramo Samuel oguenohẽ peteĩ acéite ryru ha oñohẽ Saul akã rehe, ha ohetũvo ichupe he’i: Ñanderuete ndeporavóma Israel retã ruvicharã ramo.

1 Samuel 31:1

Filisteayguakuéra ojeity Israelguakuéra ári, ha Israelguakuéra okañy henonderãgui ha he’õnguekuéra ho’a joa opa rupi Gilbóa cérro rehe.

1 Samuel 31:8

Ha ambue ko’ẽ jevývo, Filisteayguakuéra oúvo ogueraha hag̃ua umi omanomava’ekue mba’ekue, ojohu hikuái Saúlpe ha mbohapy ita’ýrape ojepysohína Gilbóa cérrope.