2 Samuel 1:20

Ñanderuete Ñe’ẽ Porã 2015

Ani pemoherakuã Gátpe, ha ani pemombe’útei ko’ã mba’e Ascalon rape rupi, ani hag̃ua Filisteaygua rajykuéra ovy’aite ha ani hag̃ua umi oñekytĩ’ỹva pire’i rajykuéra osapukái vy’águi.

Referencias Cruzadas

Ezequiel 16:27

Upévarehe, ema’ẽ porãke ndejehe Che aipysóta che po amombovyve hag̃ua ne rembi’urã, ha romoĩta umi Filisteaygua poguýpe, nderehe ija’e’ỹva pópe, ojapo hag̃ua ndehegui ojaposéva, ha umía oguerotĩta voi nde rape heko pegua’ỹva.

Ezequiel 16:57

ojekuaa porãmba mboyve ne ñañangue. Ha péicha avei ko’ág̃a nderehe oñembohory Síria rajykuéra ha mayma Filistéa rajykuéra, oma’ẽvo nde reko vaikue rehe.

Miquéas 1:10

Ani pejétei kóva Gatguápe, ani penerasẽ heta rei Ácope ha pejapajeréikena Bet-le-afra yvy timbóre.

Juéces 11:34

Upéi Jefte ou jevývo hógape oĩva Mizpápe; péina ápe itajýra osẽ omaitei hag̃ua ichupe, mba’e pararã reheve ha jerokypópe, ha’e itajýra ha’eñomínte, Jefte ndaita’ýrai ambue.

Juéces 14:19

Ha Ñanderuete Pytu Porãitéva ou hi’ári ha oguejy Ascalónpe ha ojuka 30 kuimba’e Ascalonguápe; ha ojapyhy ichuguikuéra ijao ome’ẽ hag̃ua ao porã umi ñe’ẽ hasy rehegua omyesakãva’ekuépe; ha pochy rendy reheve oho jevy itúva Manóa rógape.

1 Samuel 14:6

Ha Jonatan he’i hembiguáipe: Eju jaha ko’ã kuimba’e ipire’i oñekytĩ’ỹva rendápe, ikatu Ñanderuete ojapo ñanderehehápe oimeraẽ mba’e, ndahasyiete ichupe g̃uarã oporopytyvõ heta térã mbovy (kuimba’e) rupi.

1 Samuel 17:26

Upémaramo David oñe’ẽ umi hendive oĩvape ha he’i: Mba’épa ojejapóta pe kuimba’e ipu’akátava ko Filisteaygua rehe, ha omboguéva ko ñemotĩ Israel retãgui. Máva piko ko Filisteaygua ipire’i oñekytĩ’o’ỹva oñemoĩ hag̃ua Ñanderuete oikovéva atyguasu rehe.

1 Samuel 17:36

Taha’e leõ, térã óso ne rembiguái ojuka; ha péicha ojehúta avei ko Filisteaygua ipire’i oñekytĩ’o’ỹvare, ha’e oñembohorýgui Ñanderuete Oikovéva ñorãirõharakuéra rehe.

1 Samuel 18:6

Ojehu ningo umi ñorãirõhára ou jevývo, David ojuka rire ñorãirõme pe Filisteayguápe; kuñakuéra osẽ Israel tavapýgui purahéi ha jerokypópe, ojejohu hag̃ua tetã ruvicha Saul ndive, imba’e pararã, iplatíllo púpe ha isapukái rorýpe.

1 Samuel 31:4

Upémaramo Saul he’i imo’ãhápe; ehekýi nde kyse puku ha embyasuru che rete rehe osẽ meve che lómope, anítei ou umi ipire’i oikytĩ’ỹva chekutu vaipa ha oñembohory cherehe. Ha imo’ãha ndoikutuséi ichupe okyhyjeitereígui. Upémaramo Saul omoĩ porã ikyse puku ha ojeity hi’ári.

1 Samuel 6:17

Filisteayguakuéra ome’ẽva’ekue ko’ã susu’a ra’ãnga Ñanderuetépe g̃uarã ime’ẽmby ramo: Asdod rehe peteĩ, Gáza rehe peteĩ, Ascalon rehe peteĩ, Gat rehe peteĩ, ha Ecron rehe peteĩ.