1 Samuel 9:25

Ñanderuete Ñe’ẽ Porã 2015

Ha oguejy rire hikuái pe yvy ijyvatevehágui pe távape, Samuel oñe’ẽ Saul ndive pe óga ape ári.

Referencias Cruzadas

2 Samuel 11:2

Ojehu ningo peteĩ árape Israelguakuéra osẽ rire ñorãirõme, David opu’ã ka’aru hupágui ha oho oguata hóga ape ári, ha upeguive ohecha peteĩ kuña iporãitéva ojahuhápe.

Nehemías 8:16

Ha hetãyguakuéra osẽ ha ogueru joaite yvyrarakãnguéra ha ojapo hikuái hoga’i, peteĩteĩva hóga ape ári, térã ikorapykuérape, térã Ñanderuete róga korapýpe, térã pe y rokẽ megua okárape (plázape), térã pe Efrain rokẽ megua okárape.

Jeremías 19:13

Umi Jerusalen róga, ha umi Juda retã ruvicha róga, oikóta Tofetichaite, oñemongy’a ha oikuave’ẽ haguére mayma óga apére mba’e ryakuã porã umi mbyja ára peguápe ha oñohẽgui hikuái víno ikuave’ẽmby ramo ambue jarakuérape.

Matéo 10:27

Umi mba’e Che ha’éva peẽme pytũnguýpe, pejéta ára sakãhaitépe; ha pe Che ha’éva pende apysápe peguerosapukáita óga ape ári guive.

Matéo 24:17

ha upe oĩva hóga ári, ani oguejy ogueraha hag̃ua mba’eve hógagui.

Lúcas 5:19

Upeichavéramo jepe ndojohúi hikuái peteĩ tape, oñembyaty hetaitereígui hetãyguakuéra Hesu jerekuévo, upémaramo ojupi hikuái pe óga ape ári oipe’a hag̃ua umi téja ha omboguejy hag̃ua pe ijapáva hupa reheve Hesu oĩháme, hetãyguakuéra mbytépe.

Apostolkuéra 10:9

Ambue árape ha’ekuéra oguata aja ohóvo Jópepe ha oñemoag̃uívo pe távagui, Pédro ojupi pe óga ape ári oñembo’e hag̃ua, asaje pyte rupi.

Deuteronómio 22:8

Remopu’ã ramo nde róga pyahurã, emongora nde róga ape ani hag̃ua reñemoangaipa, oĩ ramo ho’áva upégui ha omano.

1 Samuel 9:26

Ha ambue árape voiete opu’ã hikuái, ha ko’ẽtĩmbotávo Samuel ohenói Saúlpe, oĩva hína pe óga ape ári, ha he’i: Epu’ã toromomaitei paha. Upéi Saul opu’ã, ha osẽ hikuái, ha’e, hembiguái ha Samuel.