1 Samuel 9:17

Ñanderuete Ñe’ẽ Porã 2015

Ha Samuel ohechávo Saúlpe, Ñanderuete he’i ichupe: Kóva ningo pe kuimba’e, che añe’ẽ haguéma ndéve, kóva Israel retã ruvicharã.

Referencias Cruzadas

Nehemías 13:19

Upéramo ambotyuka Jerusalen rokẽnguéra og̃uahẽ mboyve pe pytu’uha ára, ha ha’éma avei ichupekuéra ani hag̃ua ojepe’avétei pytu’uha árape; ha amoĩ umi okẽme che rembiguaikuérape, ani hag̃ua oñemoingétei mba’eveichagua cárga pytu’uha árape.

Nehemías 13:25

Ha aja’o ichupekuéra, ha amaldeci ichupekuéra, ainupã hetápe, ha añakãrague’o, ha amongavaju pohýi ichupekuéra, ha’évo: Napeme’ẽiva’erã pende rajykuéra ita’yrakuérape, ni ndapegueruiva’erã itajyrakuéra pende ra’ykuérape g̃uarã, térã pene mba’erã ramo.

Jeremías 32:8

Ha ou che rendápe Hananeel, che tio ra’y, Ñanderuete ñe’ẽ he’i haguéicha chéve aĩ jave cárcelpe, ha he’i chéve: Ejoguána chehegui che kokue oĩva Anatótpe, Benjamin yvýpe, ndénte reñemomba’ekuaa hekoitépe che kokue rehe, nde ikatu reguenohẽ pirapire repy rehe; ejoguána péva ne mba’erã ramo. Ha upévo ahechakuaa Ñanderuete oñe’ẽ hague chendive.

Oséas 13:11

Pochýpe ame’ẽva’ekue ndéve ne retã ruvicha, ha py’arópe aipe’a jevýta ichupe.

Apostolkuéra 13:21

Upéi Israelguakuéra ojerure asy avei peteĩ tetã ruvicháre ha Ñanderuete ome’ẽ ichupekuéra Saul, Cis ra’ýpe, peteĩ kuimba’e Benjamin tríbugui, 40 áño pukukue ha’e oisãmbyhy Israélpe.

1 Samuel 3:13

Ha ahechaukáta ichupe, Che ambojovaketaha iñemoñarenguérape opaite árape, pe aña reko ha’e voi oikuaamava’ekue rehe: Ita’yrakuéra oñe’ẽ vai cherehe, ha ha’e ndojokói ichupekuéra.

1 Samuel 9:18

Saul oñemoag̃uívo Samuel rehe, pe táva mbyte rupi, he’i ichupe: Ajerure ndéve, eikuaaukamína chéve, mamópa opyta techahára róga.