1 Samuel 9:16

Ñanderuete Ñe’ẽ Porã 2015

Ko’ẽramo ko horaitépe amboúta ne rendápe peteĩ kuimba’e Benjamingua ha nde remonáta (reiporavóta) ichupe Israel retã ruvicha ramo, ha he’ive avei: Saul oipe’áta che retãme Filisteayguakuéra poguýgui. Che ahecháma che retãme ha imba’e jerure asy og̃uahẽma che rendápe.

Referencias Cruzadas

2 Samuel 3:18

Ko’ág̃a pejapo katu avei Ñanderuete he’imava’ekue: Che rembiguái David po rupi asalváta che retã Israel Filisteaygua poguýgui, ha mayma hese ija’e’ỹva pógui.

2 Réyes 20:5

Ejevy, ha ere Ezequíaspe, che retã ruvichápe: Péicha he’i pende Ruete, David, nde ru Jára: Che ahendúkuri ne ñembo’e, ha ahecha nde resay, péina ápe Che romongueráta; mbohapy arahápe rejupíta che rogaguasúpe.

Salmokuéra 102:1

Ore Ruete, ehendumína che ñembo’e ha tog̃uahẽ ne rendápe che mba’ejerure asy.

Salmokuéra 106:44

Upeichavéramo jepe, Ha’e oma’ẽ jevy hesekuéra ojepy’apy vaiete aja ha ohendu jevy imba’ejerure asy.

Salmokuéra 25:18

Ema’ẽmína che jepy’apy asy ha che jehasa asy rehe, ha cheperdonami opaite che rembiapo vaíre.

Mga Kawikaan 16:9

Pe yvyarigua opensa haperã rehe, Ñanderuete katu omboguata ichupe.

Jeremías 32:8

Ha ou che rendápe Hananeel, che tio ra’y, Ñanderuete ñe’ẽ he’i haguéicha chéve aĩ jave cárcelpe, ha he’i chéve: Ejoguána chehegui che kokue oĩva Anatótpe, Benjamin yvýpe, ndénte reñemomba’ekuaa hekoitépe che kokue rehe, nde ikatu reguenohẽ pirapire repy rehe; ejoguána péva ne mba’erã ramo. Ha upévo ahechakuaa Ñanderuete oñe’ẽ hague chendive.

1 Samuel 10:1

Upéramo Samuel oguenohẽ peteĩ acéite ryru ha oñohẽ Saul akã rehe, ha ohetũvo ichupe he’i: Ñanderuete ndeporavóma Israel retã ruvicharã ramo.

1 Samuel 14:20

Ha Saul ombyaty hetãyguakuérape oĩva gueteri hendive, ha ojeity avei Filisteayguakuéra ári, pe apañuãiguasu apytépe, ha’ekuéra voi oñepyrũmagui ojojuka ikyse puku rupi.

1 Samuel 14:23

Upéicha Ñanderuete oipytyvõ porã Israélpe pe ára pévape. Ha pe ñorãirõ guasu og̃uahẽ Bet-aven peve.

1 Samuel 15:1

Upéi Samuel he’i Saúlpe: Ñanderuete voi chemondova’ekue roiporavo hag̃ua, romonávo acéitepe Israel retã ruvicha ramo, upévarehe ejapóke hekoitépe Ñanderuete ñe’ẽ.

1 Samuel 16:1

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

1 Samuel 16:3

Ha ehenói Isaípe pe kuave’ẽmbyhápe, ha Che rohekombo’éta rejapova’erãva rehe ha reiporavóta chéve upe Che ha’étavape ndéve remona hag̃ua acéitepe.