1 Samuel 9:1

Ñanderuete Ñe’ẽ Porã 2015

Oikova’ekue peteĩ kuimba’e Benjamin tríbu reheguáva, kuimba’e ikatupyrýva, héra Cis, Abiel ra’y, kóva Zeror ra’yre, kóva Becorat ra’yre, kóva Afia ra’yre, kóva Benjamin ra’y ñemoñare peteĩva.

Referencias Cruzadas

2 Samuel 19:32

Ha Barzilái itujaitereíma, 80 áñoma oguereko, ha’e ome’ẽva’ekue tetã ruvichápe hembi’urã oĩ ramoguare Mahanaímpe, ha’égui voi kuimba’e ipirapire hetáva.

Ester 2:5

Ha Súsape, tetã ruvicha távape, oiko peteĩ kuimba’e Judaygua, hérava Mardoquéo, Jair ra’y, Simei ra’yre, Cis ra’yre, peteĩ Benjamin ñemoñaréva.

Job 1:3

Ha hymbakuéra reta: 7.000 ovecha ha kavara, 3.000 caméllo, 500 guéi joaju (yúnta), 500 búrro kuña. Ha hetaite hembiguái. Upéicha rupi ha’e pe kuimba’e imba’eretavéva mayma kuarahyresẽ gotyoguáva.

Apostolkuéra 13:21

Upéi Israelguakuéra ojerure asy avei peteĩ tetã ruvicháre ha Ñanderuete ome’ẽ ichupekuéra Saul, Cis ra’ýpe, peteĩ kuimba’e Benjamin tríbugui, 40 áño pukukue ha’e oisãmbyhy Israélpe.

1 Samuel 10:23

Upérõ oñani hikuái ha ogueru ichupe; ha omoĩ ichupe tetãyguakuéra mbytépe; ha’e peteĩ akã ijyvateve opaite ambue hetãyguakuéragui.

1 Samuel 14:51

Saul ru Cis, ha Ner, Abner ru, ha kóva Abiel ra’y.

1 Samuel 25:2

Ha Maónpe oikove peteĩ kuimba’e ipirapireitáva ijyvy oĩ Carmélpe, imba’e 3.000 ovecha ha 1.000 kavara. Ha péina oñapĩhína ijovechakuéra Carmélpe.