1 Samuel 8:8

Ñanderuete Ñe’ẽ Porã 2015

Péichante voi hembiapokuéra anohẽ ypy guive Egíptogui ko’ág̃a peve, chereja hikuái chéve, oiko hag̃ua umi jára gua’u rembiguáirõ, péicha ojapo avei ko’ág̃a nderehe.

Referencias Cruzadas

Salmokuéra 78:8

Ani oiko hikuái ituvakuéraicha, peteĩ tetã oñembopy’a hatãva ha oikóva iñakã he’i háicha rei reheve, peteĩ tetã ndojeroviaséiva ha noñemoambueséiva Ñanderuete oipota háicha.

Éxodo 16:3

Ha Israel ñemoñarenguéra he’i ichupekuéra: Romanombanteva’erãmo’ã Ñanderuete po rupi Egípto retãme, upépe roguapy japepo (ólla) iso’óva jerekuévo, ha ro’u ramoguare pan oreryg̃uatã meve; nde katu oreguenohẽ ko desiérto kóvape orejuka hag̃ua ñembyahýi rupi.

Éxodo 17:2

Ha tetãyguakuéra oñoñe’ẽ api Moises ndive, ha he’i hikuái: Eme’ẽ oréve y roy’u hag̃ua. Ha Moises he’i ichupekuéra: Mba’upépa peneñe’ẽ api chéve. Mba’upépa peipy’ara’ã Ñanderuetépe.

Éxodo 32:1

Ha Israelguakuéra ohechávo Moises hi’areha oguejy jevy hag̃ua cérrogui, oñemboja hikuái Aaron rendápe ha he’i ichupe: Epu’ã, ha ejapo oréve ore jararã ohótava ore renonderãme; ndoroikuaáigui mba’épa ojehura’e Moiséspe, pe kuimba’e oreguenohẽva’ekue Egípto retãgui.

Jeremías 34:14

Oñepyrũvo pe áño 7-hápe peteĩteĩva opoiva’erã ipehẽngue Israelgua ojoguamava’ekuégui; oikova’erãnte tembiguái ramo 6 áño pukukue ha upéi opoiva’erã ichugui sã’ỹre, ha pende rukuéra nacheñe’ẽrenduiva’ekue, ha nohendúi che ñe’ẽ.

Ezequiel 2:3

ha he’i chéve: Kuimba’e ra’y, Che romondóta Israel ñemoñarenguéra rendápe, umi iñe’ẽrendu’ỹvape ha oñemoĩvape cherehe. Ha’ekuéra ha ituvakuéra opu’ãva’ekue cherehe ko ára kóva peve.

Números 16:41

Ambue árape Israel ñemoñarenguéra aty oñe’ẽ pohýi Moisésre ha Aaron rehe, ha he’i: Peẽ pejuka Ñanderuete retãyguakuérape.

Deuteronómio 9:24

Che poikuaaha ára guive, peẽ peñemoĩ Ñanderuete rehe.

Juéces 13:1

Israel ñemoñarenguéra hembiapo vai jevy Ñanderuete resa renondépe. Ha Ñanderuete omoĩ ichupekuéra Filisteayguakuéra pópe 40 áño pukukue.

Juéces 2:20

Ha Ñanderuete pochy hendy Israel rehe, ha he’i: Ko tetã kóva omboykégui che rembiapoukapy ame’ẽmava’ekue ituvakuérape, ha naiñe’ẽrenduvéi,

Juéces 4:1

Eud omano rire, Israel ñemoñarenguéra ojapo jevy ivaíva Ñanderuete resa renondépe.

Juéces 6:1

Israel ñemoñarenguéra ojapo ivaíva Ñanderuete resa renondépe; ha Ñanderuete omoĩ ichupekuéra Madiayguakuéra poguýpe 7 áño pukukue.

1 Samuel 8:7

Ha Ñanderuete he’i Samuélpe: Ejapo katu ne retãyguakuéra ñe’ẽ, opaite mba’e he’íva guive ndéve, nandévei nemboyke, chévente chemboyke, anive hag̃ua aiko Ijára ramo.

1 Samuel 8:9

Ejapo hembipota, eavisa porã katu ichupekuéra ha ehechauka mba’eichagua teko ha pu’akápa ome’ẽva’erã hetã ruvicharãme.