1 Samuel 7:9

Ñanderuete Ñe’ẽ Porã 2015

Ha Samuel oiporavo peteĩ ovechara’y okambúva ha ojuka kuave’ẽmby ojehapypáva ramo Ñanderuetépe g̃uarã. Ha Samuel omba’ejerure Ñanderuetépe Israel rehe, ha Ha’e ohendu ichupe.

Referencias Cruzadas

Salmokuéra 50:15

Ha cherenói nde jepy’apyha árape, Che roipytyvõta ha nde chemomba’eguasúta.

Salmokuéra 99:6

Moises ha Aaron oiko nde pa’ikuéra apytépe, ha Samuel oiko umi ohenóiva nde réra apytépe, ohenói hikuái Ñanderuetépe, ha Ha’e ombohovái ichupekuéra.

Jeremías 15:1

He’i chéve Ñanderuete: Moises ha Samuel oñembo’y ramojepe che renondépe oñembo’eve hag̃ua hesekuéra Che ndaiporiahuverekomo’ãi ko tetã kóvape, amosẽ uvei ichupekuéra che ypýgui, ha tohopa hikuái.

Levítico 22:27

Torora’y térã ovechara’y, térã kavarara’y, 7 ára onace rire okambuva’erã isy rehe; ha pe ára 8-ha guive ikatúma peikuave’ẽ kuave’ẽmby hendypáva ramo pende Ruetépe g̃uarã.

Deuteronómio 9:26

Ha añembo’e Ñanderuetépe, ha ha’e ichupe: Che Jára, ore Ruete, ani rehundítei ne retãyguakuérape ha ne mba’eteéva resalvava’ekue milágro ndetuichaite rupi, reguenohẽvo ichupekuéra pyapy mbaretépe Egípto retãgui.

Tiágo 5:16

upévare pemombe’u ojupe pene angaipa, (tembiapo vai) ha peñembo’e ojuehe, Ñanderuete penemokyre’ỹ ha penemonguera hag̃ua. Heko potĩva ñembo’e heta mba’e ojapokuaa.

Juéces 6:26

ha emopu’ã nde Ruete, nde Járape g̃uarã peteĩ kuave’ẽmby renda ko itaguasu ári opyta porã hag̃uáme; ha eikuave’ẽ pe tóro mokõiha, kuave’ẽmby ojehapypáva ramo, ha Asera ra’ãnga reikytĩva’ekue, ha eiporu jepe’a ramo.

Juéces 6:28

Pyharevépe umi tavaygua opu’ãvo ohecha Baal kuave’ẽmby renda ho’apa ha Asera ra’ãnga oĩva ijypýpe oñekytĩmba, ha avei pe tóro mokõiha oñekuave’ẽmbamara’e kuave’ẽ ojehapypáva ramo pe kuave’ẽmby renda oñemopu’ãva’ekue ári.

1 Samuel 10:8

Uperire nde reguejýta che rendápe Gilgálpe; ha che aguejýta ne rendápe aikuave’ẽ hag̃ua kuave’ẽmby ojehapypáva ha kuave’ẽmby angapytu’u reheguáva. Reha’ãrõta 7 ára, che aju peve ne rendápe rohekombo’e hag̃ua ne rembiaporã rehe.

1 Samuel 12:17

Ko’ágã piko noñembyatýi pe trígo. Che ajeruréta Ñanderuetépe ha Ha’e omoingóta arasunu ha ama, peikuaa ha pehecha hag̃ua ituichaha pene ñañareko Ñanderuete renondépe, pejerurévo pene retã ruvicharã rehe.

1 Samuel 16:2

Ha Samuel he’i: Mba’éichapa aháta. Saul oikuaa ramo péva chejukáta. Ha Ñanderuete he’i jevy: Ejapyhy vaka apytégui peteĩ tóro ra’y, ha ere: Aju aikuave’ẽ hag̃ua kóva Ñanderuetépe g̃uarã.

1 Samuel 2:35

Ha Che amopu’ãta peteĩ pa’i hekoite peguáva, ojapótava che py’apy ha che angapy rembipota; ha Che amopu’ã mbaretéta hogarã, ha ha’e oikóta tapia g̃uarã pe mburuvichaguasurã ykére.

1 Samuel 7:17

Upéi ojevy Ramápe, oĩháme hóga, ha upépe ombojovake avei Israelguakuérape; upépe omopu’ã peteĩ kuave’ẽmby renda Ñanderuetépe g̃uarã.

1 Samuel 9:12

Ha’ekuéra he’i jevy: Añete, pépe pene renonderãme oĩ, tapeho pya’e, ko árape ha’e oúma ko távape oikuave’ẽ hag̃ua tetãyguakuéra ndive pe yvy ijyvatevehápe.