1 Samuel 7:17

Ñanderuete Ñe’ẽ Porã 2015

Upéi ojevy Ramápe, oĩháme hóga, ha upépe ombojovake avei Israelguakuérape; upépe omopu’ã peteĩ kuave’ẽmby renda Ñanderuetépe g̃uarã.

Referencias Cruzadas

Genesis 33:20

Ha omopu’ã upépe ikuave’ẽmby renda, ha ombohéra El-Elohe-Israel (he’ise Israel Jára Ipu’akapáva).

Genesis 35:7

Ha upépe omopu’ã ambue kuave’ẽmby renda ha ombohéra pe yvy péva Betel, Ñanderuete ojehechauka haguére ichupe okañy ramoguare ityke’ýragui.

Isaías 10:29

Ohasa hikuái pe ysyry ojehasahápe (pásope); oike hikuái Gébape ha oke upépe; Rama oryrýi; Gibeat, Saul mba’ekue, okañy.

Juéces 4:5

ha Débora oguapými jepokuaase háicha karanda’y rakã guýpe, Rama ha Betel pa’ũme, Efrain cérrope; ha Israel ñemoñarenguéra ou hendápe ñembojovake rekávo.

Juéces 6:24

Ha Gedeon omopu’ã upépe peteĩ kuave’ẽmby renda Ñanderuetépe g̃uarã, ha ombohéra pe kuave’ẽmby renda: “Ñande Ruete ningo py’aguapy”, ha péva oĩ gueteri ko ára peve Ofrápe, Abiezerguakuéra yvýpe.

1 Samuel 1:1

Oikova’ekue peteĩ kuimba’e Ramataímpe, peteĩ Zofimgua, Efrain cérrogui ouva’ekue, hérava Elcána, Jeroham ra’y, Eliu ra’yre, kóva Tohu ra’yre ha kóva Zuf ra’yre, peteĩ Efraingua.

1 Samuel 1:19

Ha opu’ã hikuái pyhareve omomba’eguasu hag̃ua Ñanderuetépe, ha oho jevy hógape, oĩva Ramápe. Ha Elcána oñeno hembireko Ána ndive ha Ñanderuetépe imandu’a hese.

1 Samuel 11:15

Ha hetãyguakuéra ohopaite Gilgálpe, ha upépe omohendaite Saúlpe tetã ruvicha ramo Ñanderuete renondépe. Ha oikuaave’ẽ upépe kuave’ẽmby py’aguapy reheguáva Ñanderuete renondépe, ha upépe ovy’aite Saul ha opaite Israelguakuéra.

1 Samuel 14:35

Ha Saul omopu’ã peteĩ kuave’ẽmby renda Ñanderuetépe g̃uarã, ko kuave’ẽmby renda kóva ningo pe tenondegua ha’e omopu’ãva’ekue.

1 Samuel 15:34

Uperire Samuel oho Rámape, ha Saul ojupi hogaitépe, oĩva Gibéape.

1 Samuel 2:11

Ha Elcána oho jevy hóga Rama peguápe; ha Samuel opyta Ñanderuete rembijokuái ramo Eli renondépe.

1 Samuel 28:3

Samuel omanóma ha mayma Israelgua oguerombyasýkuri, ha oñotỹ hikuái ichupe itáva Ramápe. Ha Saul oitypa Israel retãpýgui umi ohenóiva ãnguépe ha umi imba’ekuaávape.

1 Samuel 8:4

Upéramo opaite Israel karai anciáno oñembyaty ha ou Ramápe Samuel rendápe,

1 Samuel 9:12

Ha’ekuéra he’i jevy: Añete, pépe pene renonderãme oĩ, tapeho pya’e, ko árape ha’e oúma ko távape oikuave’ẽ hag̃ua tetãyguakuéra ndive pe yvy ijyvatevehápe.