1 Samuel 7:12

Ñanderuete Ñe’ẽ Porã 2015

Ha Samuel ojapyhy peteĩ ita ha omoĩ Mizpa ha Sen paũme, ha ombohéra Eben-ha-ézer, he’iséva: Ápeve Ñanderuete ñanepytyvõ.

Referencias Cruzadas

Genesis 22:14

Ha Abraham ombohéra pe yvy péva: “Ñanderuete ojehechauka”. Upéicha rupi oñembohéra pe cérro ru’ã ko ára kóva peve: “Ñanderuete ojehechauka.”

Genesis 35:14

Ha Jacóbo omopu’ã peteĩ itaguasu, techaukaha ramo, Ñanderuete oñe’ẽ haguépe hendive, ha hi’ári oñohẽ víno ha acéite.

Salmokuéra 71:17

Nde, ore Ruete, chembo’eva’ekue che mitãrusu ára guive, ha ko’ág̃a peve amombe’u’aína ne rembiapo tuichaitéva.

Salmokuéra 71:6

Nde reme’ẽmba che remikotevẽ che sy rye guive, Nde voi cherenohẽva’ekue che sy ryepýgui, upévare che romomba’eguasu tapiaite.

Éxodo 17:15

Ha Moises omopu’ã peteĩ kuave’ẽmby renda, ha ombohéra ko yvy kóva Ñanderuete che poyviveve.

Isaías 19:19

Upe ára upévape oĩta Egípto retã mbytépe kuave’ẽmby renda Ñanderuetépe g̃uarã, ha oñemopu’ãta ita atyraguasu hetã rembe’ýpe oñemomandu’a hag̃ua Ñanderuete rehe.

Apostolkuéra 26:22

Ñanderuete oñangareko ha chepytyvõ porã haguére che aikove gueteri ko’ág̃a peve, ha che añembo’y amombe’u hag̃ua umi mba’e ojehechaukava’ekue chéve michĩva ha tuichávape. Añe’ẽvo amombe’u hekópe umi mba’e Moises ha umi proféta he’imava’ekue ojehuva’erãha Hesu Crísto rupi.

2 Corintoyguakuérape 1:10

Ha’e katu oreguenohẽva’ekue ore ñemanorãgui ha Ha’e oreguenohẽ jevýta opaite jehasa asyrãgui, Ha’e ningo ore esperánza.

Josué 4:9

Josue omopu’ãuka ambue 12 itaguasu Jordan mbytépe, umi pa’i oguerahava’ekue Ñanderuete karameg̃ua oñembo’y haguépe; ha upépe oĩ gueteri ko ára kóva peve.

1 Samuel 14:35

Ha Saul omopu’ã peteĩ kuave’ẽmby renda Ñanderuetépe g̃uarã, ko kuave’ẽmby renda kóva ningo pe tenondegua ha’e omopu’ãva’ekue.

1 Samuel 4:1

Ha Samuel omysaĩ Ñanderuete ñe’ẽ opaite Israelguápe. Umi árape Israel oñorairõ Filisteayguakuéra ndive, ha oñembyaty hikuái Eben-ha-ézerpe, ha Filisteayguakuéra oñembyaty Afécpe.

1 Samuel 5:1

Filisteayguakuéra ogueraha Ñanderuete karameg̃ua Eben-ha-ézer guive Asdod peve.

1 Samuel 7:11

Ha Israel ñemoñarenguéra omuña Filisteayguakuérape Mizpa guive Bet-car yvy gotýo peve, ha ojuka hikuái hetápe.