1 Samuel 7:10

Ñanderuete Ñe’ẽ Porã 2015

Ha ojehu Samuel oikuave’ẽ jave kuave’ẽmby ojehapypáva Filisteayguakuéra og̃uahẽ oñorãirõ hag̃ua Israel ñemoñarenguéra ndive, Ñanderuete katu ombou pe árape tyapuguasu Filisteayguakuéra ári, upéicha oñemondyipa hikuái, ha Israel ñemoñarenguéra ikatu ipu’aka hesekuéra.

Referencias Cruzadas

Salmokuéra 18:15

Ore Ruete, Nde reja’o ha reipeju haguére nde pochy ojekuaa pe yeta ruguaite ha ojehechakuaa yvy pyendakuéra.

Salmokuéra 29:3

Ñanderuete osunu, iñe’ẽ hyapu yguasu apére, Ñanderuete aratiri ohasa yguasu apére.

Salmokuéra 29:4

Ñanderuete oity pe aratiri ha pe aravera, ohechauka Ha’e ipu’akapaha.

Salmokuéra 78:66

Ondyry umi hese ija’e’ỹvare, oñemotĩ hag̃ua hikuái opaite árape.

Zacarías 4:6

Upéramo ha’e oñe’ẽ chéve ha he’i: Kóva ningo Ñanderuete ñe’ẽ Zorobabélpe g̃uarã: Ndaha’éi soldádo aty rupi, ni yvyarigua pu’aka rupi, che Pytu Porãite rupínte katu ojehupahína, he’i ángel atykuéra Jára.

Deuteronómio 28:7

Ñanderuete ojapova’erã sarambi penderehe ija’e’ỹvare ha umi oñemoĩva penderehe oúta peteĩ tape rupi ojeity hag̃ua pendeári, okañýta katu pene renondégui 7 ambue tape rupi.

Josué 10:10

Ha Ñanderuete omondýi Amorguakuérape Israel renondépe, ha ojuka hetápe Gabaónpe; ha omuña Amorguakuérape ojukapávo ojohúva guive Azeca ha Maqueda peve, Bethoron gotýo.

Juéces 4:15

Ha Ñanderuete ojapo sarambiguasu Sísara rehe, mayma icárro rehe ha isoldádo aty rehe, Barac kyse puku renondépe; ha Sísara ojepoi icárrogui okañy hag̃ua yvy rupi.

Juéces 5:20

Ára guive mbyjakuéra oñorãirõ ha ondyry Sísarare hape rehe (Josue 10,11).

Juéces 5:8

Israelguakuéra oiporavo ijára pyahurã, pe ñorãirõ og̃uahẽma pe táva rokẽguasu peve, 40.000 Israel soldadokuéra apytépe ndojehechái piko rete mo’ãha yvyra puku akua (lánza).

1 Samuel 12:17

Ko’ágã piko noñembyatýi pe trígo. Che ajeruréta Ñanderuetépe ha Ha’e omoingóta arasunu ha ama, peikuaa ha pehecha hag̃ua ituichaha pene ñañareko Ñanderuete renondépe, pejerurévo pene retã ruvicharã rehe.

1 Samuel 14:15

Upeguive oiko ñemondyiguasu Filisteayguakuéra atyguasúpe oĩva ñúme, ha isoldadokuéra okyhyjepa ha péicha ojehu avei umi osẽva’ekue omonda hag̃ua, ha oiko avei hi’ári yvyryrýi, péicha Ñanderuete omondyiete ichupekuéra.

1 Samuel 2:10

Ñanderuete renondépe ipehẽnguepáta hese ija’e’ỹva, ha hi’arikuéra Ha’e osunúta ára guive; Ñanderuetépe ombojovake yvy apýra peve, Ha’e omombarete hetã ruvichápe ha ombotuicha tuichave ohóvo. Ha’e ombotuicha umi oiporavova’ekuépe.

1 Samuel 7:11

Ha Israel ñemoñarenguéra omuña Filisteayguakuérape Mizpa guive Bet-car yvy gotýo peve, ha ojuka hikuái hetápe.