1 Samuel 6:3

Ñanderuete Ñe’ẽ Porã 2015

Ha’ekuéra he’i: Pemondo ramo Israel Jára karameg̃ua, aníke pemondótei nandiete, peguerahauka pene me’ẽmby reheve Israel Jára pochy ojei jevy hag̃ua pendehegui; ha upéicha pekuerapáta, ha peikuaáta mba’érehepa ndojeíri ipo pende árigui.

Referencias Cruzadas

Job 10:2

Ha’ese Ñanderuetépe: Ani chehundítei, emyesakãmína chéve mba’érehepa ndepochy chendive.

Éxodo 23:15

Pemboarete pan ñembovupyre’ỹva. Siéte ára pe’uva’erã pan ñembovupyre’ỹva Che ha’e haguéicha peẽme, abril jasýpe pesẽgui Egíptogui; ha avave noñembojaiva’erã che renondépe po nandi.

Éxodo 34:20

Ha remyengoviáta búrro ra’y ijypýva ovecha ra’yrusu rehe; ha neremyengoviakuaái ramo, emopẽ ijajúra. Remyengoviava’erã opaite nde ra’ykuéra ijypýva; ha avave noñembojaiva’erã che renondépe po nandi rehevénte.

Éxodo 8:15

Ha faraon ohechávo opamaha ju’i, omohatã jevy katu ipy’apy ha naiñe’ẽrendúi ichupekuéra, Ñanderuete he’i hagueichaite.

Levítico 5:6

ha oñemoĩ porã jevy hag̃ua ogueruva’erã Ñanderuetépe peteĩ ovecha kuña térã peteĩ kavara kuña ikuave’ẽmby ramo; ha pe pa’i oikuave’ẽva ko kuave’ẽmby angaipa reheguáva pe mba’evai apoha ohupity iperdon.

Levítico 6:6

Ha pe ijejavy rehe ogueruva’erã peteĩ ovecha mácho iporãva ijovecha atýgui pende Ruetépe g̃uarã, ha pe pa’i ombohepy haguéicha, péva ome’ẽta pa’ípe.

Deuteronómio 16:16

Mbohapy jevy meme áñope opaite kuimba’e Israel pegua ouva’erã Ñanderuete, Ñandejára renondépe, pe yvy pehẽngue Ha’e oiporavotahápe omomba’eguasu hag̃ua Ñanderuetépe: Pe arete pan ilevadura’ỹ reheguápe, pe arete semanakuéra reheguápe ha pe arete yvyra rogue reheguápe (enramada). Ha avave noñembojaiva’erã po nandi reheve Ñanderuete renondépe;

1 Samuel 5:11

Ha oñemondo oñembyatyuka jevy hag̃ua opaite Filisteaygua ruvichápe, ha he’i hikuái: Perahauka jevy Israel Jára karameg̃ua Israel retãme, anítei ñandejuka ñandéve ha ñane retãyguakuérape; Israel Jára po ipohyieterei ñandeári, ha ñemondýiguasu oñemano hag̃uáicha og̃uahẽ Filisteayguakuéra apytépe.

1 Samuel 5:7

Umi Asdodgua ohechávo ko’ã mba’e, he’i hikuái: Anive opyta ñande apytépe Israel Jára karameg̃ua, ipohyiete ñande ári ha ñande jára Dagon ári avei.

1 Samuel 5:9

Ha og̃uahẽ rire upépe, ñande Ruete po ogueru pe táva ári angekõi tuicháva, ha umi tavaygua michĩ ha tuicháva ojepy’apyeterei, hete henyhẽgui susu’a vaígui.

1 Samuel 6:8

Upéi pemoĩta Israel Jára karameg̃ua pe cárrope, pene me’ẽmby oroguiguava reheve, ha peheja toho.

1 Samuel 6:9

Ha pema’ẽ mbukúta hese, ojupi ramo Israel retã rape rehe Bet-semes gotýo, Israel Jára voi ojapopa ko’ã mba’evaiguasuete ñanderehe; ha upeicha’ỹ ramo, jaikuaáta ndaha’éi hague ipo ñanembyaíva, ãva ojehúnte ojehuva’erãguinte.