1 Samuel 5:8

Ñanderuete Ñe’ẽ Porã 2015

Ha ombyatyuka opaite Filisteaygua ruvicha, ha he’i ichupekuéra: Mba’épa jajapóta Israel Jára karameg̃uágui, ha ha’ekuéra he’i: Toñembohasa Israel Jára karameg̃ua Gátpe. Ha ombohasa Gat távape Israel Jára karameg̃ua.

Referencias Cruzadas

1 Crónicas 7:21

ita’ýra Zabad, ita’ýra Sutela, ha Ézer ha Elad. Umi Gatkuéra ojukava’ekue Ézer ha Eládpe omondaségui ijovechakuérape.

Amos 6:2

Tapeho Calnépe, ha pema’ẽ porã opaite mba’e rehe, ha upégui tapeho Hamatguasuetépe, upéi peguejy Gátpe, umi Filisteaygua távape, peimo’ã piko umi tetã iporãveha ko tetã kóvagui, ha ijyvy ituichaveha pende yvýgui.

Zacarías 12:3

Ha upe ára upévape Che amoĩta Jerusalénpe ku ita pohýicha mayma tetãme g̃uarã, oimeraẽva ohupiséva ichupe oñehungáta (ojelastimáta), tetãnguéra oñembyatypa ramojepe oñemoĩ hag̃ua hese.

Josué 13:3

Sihor guive, opytáva Egíptogui, kuarahyresẽ gotýo, Ecron retã rembe’y yvatevogua peve, upéva ojererekóva Canaanguakuéra mba’e ramo, umi 5 mburuvicha Filisteaygua táva, Gáza, Asdod, Ascalon, Gat ha Ecron, avei umi Avgua yvy;

Josué 15:11

Ha upéi oho Ecron ypýpe, yvate gotýo; ojere Sicrónpe, ha ohasa Baala cérro, ha Jabneel rupi og̃uahẽ meve Yguasu Mediterráneo peve.

1 Samuel 17:4

Upéramo Filisteayguakuéra atýgui osẽ peteĩ kuimba’e ijyvateitereíva, hérava Goliat, peteĩ Gatgua, ha ijyvatekue ohupity 2,86 métro.

1 Samuel 17:52

Upéi Israel ha Judaygua opu’ã oguerosapukáivo ha omuña Filisteayguakuérape og̃uahẽ meve pe ñu oĩva Ecron táva rokẽ renondépe. Ha Filisteayguakuéra ojekutu ha ojejapiva’ekue ojehecha Saaraim rape rehe Gat ha Ecron peve.

1 Samuel 29:6

Ha Aquis ohenói Davídpe ha he’i ichupe: Ñandejára rekovére, nde reiko porã che renondépe. Ahecha mba’éichapa reike ha resẽ che soldádo atýpe, ha ndajohúi ndepype mba’eveichagua ivaíva reju guive chendive ko ára kóva peve; ko’ã mburuvicha resápe katu nde ndere’a porãira’e.

1 Samuel 5:11

Ha oñemondo oñembyatyuka jevy hag̃ua opaite Filisteaygua ruvichápe, ha he’i hikuái: Perahauka jevy Israel Jára karameg̃ua Israel retãme, anítei ñandejuka ñandéve ha ñane retãyguakuérape; Israel Jára po ipohyieterei ñandeári, ha ñemondýiguasu oñemano hag̃uáicha og̃uahẽ Filisteayguakuéra apytépe.

1 Samuel 5:7

Umi Asdodgua ohechávo ko’ã mba’e, he’i hikuái: Anive opyta ñande apytépe Israel Jára karameg̃ua, ipohyiete ñande ári ha ñande jára Dagon ári avei.

1 Samuel 6:2

Upémaramo Filisteayguakuéra ohenói ipa’i ha ipaje apohakuérape ha oporandu hikuái ichupekuéra: Mba’épa rojapóta Israel Jára karameg̃uágui. Peikuaaukákena oréve, mba’éichapa roguerahauka jevýta hendaiteteépe.