1 Samuel 5:3

Ñanderuete Ñe’ẽ Porã 2015

Ha ambue pyhareve, ko’ẽ jevývo, opu’ã rire umi Asdodgua, ojohu Dagónpe ho’a hague ovapývo Ñanderuete karameg̃ua renondépe ha omoñembo’y hikuái Dagónpe ha omoĩ jevy hendaguépe.

Referencias Cruzadas

1 Réyes 18:26

Ha ha’ekuéra ojapyhy peteĩ tóro ra’yrusu oñeme’ẽva’ekue ichupekuéra ha ombosako’i hikuái, ha ohenói Baálpe pyhareve guive asaje peve, he’ívo hikuái: Baal orembohováina, ha ndaipóri oñe’ẽva, ha ndaipóri ombohováiva, ha upejave ha’ekuéra ojeroky pe ikuave’ẽmby renda jerekuévo.

Salmokuéra 115:7

Ipo ramojepe, ndopokói mba’eve rehe; ipy ramojepe ndoguatái, noñe’ẽi ijahy’o rupive.

Salmokuéra 97:7

Totĩ umi omomba’eguasúva ta’ãngakuéra, ha oñembotuicháva ijára ra’ãnga rupi. Opaite jára ojeityva’erã Ñanderuete renondépe.

Éxodo 12:12

Che ningo ahasáta upe pyharépe Egípto retãpy rupi ha ajukáta opaite ita’ýra ypykuépe, taha’e Egiptoygua térã hymba; ha ambojovakéta opaite Egípto jarakuérape. Che ha’égui Jahve (pende Ruete).

Isaías 19:1

Marandu Egípto rehe. Pema’ẽ porãkena, Ñanderuete ou peteĩ arai ipya’évape ha oikéta Egíptope, upérõ ijára gua’u oryryipáta ha umi Egiptoygua ipy’amanombáta.

Isaías 40:20

Imboriahúva ikatu oiporavo, ijára gua’u ramo, peteĩ yvyra ikupi’i’ỹva rehegua; ha upéi ojeporeka peteĩ ikatupyrýva, ojapokuaáva ichupe g̃uarã peteĩ ta’ãnga yvyraguigua oku’e’ỹva.

Isaías 41:7

Upe ojapóva ijára gua’u ra’ãnga omokyre’ỹ pe óro ombohykukuaávape ha kóa omokyre’ỹ jevy umi oinupãvape martíllope pe óro omopererĩ hag̃ua, ha kóa omokyre’ỹ jevy upe ombojoajúvape oja porãmba hag̃ua, ha ipahápe ambue omombyta hatã pe ta’ãnga clávope, ani hag̃ua oku’e.

Isaías 46:7

Ohupi hikuái ijati’y ári ogueraha hag̃ua hendag̃uáme; upépe opyta, ikatu’ỹre oku’e hendágui. Osapukái ramojepe ichupe hikuái, ha’e nopenái hesekuéra, ha noguenohẽkuaái ichupekuéra ijejopy vaígui.

Jeremías 10:8

Mayma oikóva guive ko yvy apére itavy ha iñarandu ivýro rei. Ijarakuéra arandu ojogua yvyra pehẽnguépe, ivýro rei.

Sofonías 2:11

Che ajopyetéta ichupekuéra ahundi peve opaite tetã jára gua’ukuérape, ha opaite tetãnguéra omomba’eguasúta Ñanderuetépe, umi tetã yguasúpe oikóvape ha opaite ambue tetãnguéra oikohápe.

Márcos 3:11

Ha umi mba’epochy ohechávo avei ichupe ojeity ovapývo henondépe ha osapukái he’ívo: Nde ningo Yvága Jára Ra’y.

1 Samuel 6:1

Ñanderuete karameg̃ua oiko Filisteaygua retãme 7 jasy.

1 Samuel 6:5

Upévare pejapo, pende susu’a ha pene anguja ra’ãnga ombyaíva pene retã ha pemomba’eguasu Israel Jarateépe; ikatu mba’e ningo Ha’e ombovevuive ipo pende árigui, pende jára ha avei pende jeikoha árigui.