1 Samuel 5:10

Ñanderuete Ñe’ẽ Porã 2015

Upémaramo oguerahauka Ñanderuete karameg̃ua pe táva Ecrónpe, ha umi Ecrongua sapukái pópe, he’i: Oñembohasa ningo ñandéve Israel Jára karameg̃ua, ñandejuka hag̃ua ñandéve ha ñande retãyguakuérape.

Referencias Cruzadas

2 Samuel 7:9

Ha aĩ nendive mamo nde reikoha rupi, ha ne renondépe ahundipa mayma nderehe ija’e’ỹvape ha ambotuicha nde réra tetã ruvichaguasuetéicha.

2 Réyes 1:2

Ha Ocozías ho’a hóga yvate Samária pegua rovetãgui ha oñehũnga vaieterei, upévare ohenói hembijokuaikuérape ha he’i ichupekuéra: Tapeho ha pemba’eporandu Baal-zebub (mberu jára), Ecron járape, akuerátapa ko mba’asy kóvagui.

1 Crónicas 7:21

ita’ýra Zabad, ita’ýra Sutela, ha Ézer ha Elad. Umi Gatkuéra ojukava’ekue Ézer ha Eládpe omondaségui ijovechakuérape.

Amos 1:8

Ha ahundipáta umi Asdodguápe, ha péicha avei umi Ascalon ruvicha, ha ahupíta che po Ecron rehe, ha umi Filisteaygua hembymíva omanóta, he’i pende Ruete, pe Jaraitéva.

Amos 6:2

Tapeho Calnépe, ha pema’ẽ porã opaite mba’e rehe, ha upégui tapeho Hamatguasuetépe, upéi peguejy Gátpe, umi Filisteaygua távape, peimo’ã piko umi tetã iporãveha ko tetã kóvagui, ha ijyvy ituichaveha pende yvýgui.

Josué 13:3

Sihor guive, opytáva Egíptogui, kuarahyresẽ gotýo, Ecron retã rembe’y yvatevogua peve, upéva ojererekóva Canaanguakuéra mba’e ramo, umi 5 mburuvicha Filisteaygua táva, Gáza, Asdod, Ascalon, Gat ha Ecron, avei umi Avgua yvy;

Josué 15:11

Ha upéi oho Ecron ypýpe, yvate gotýo; ojere Sicrónpe, ha ohasa Baala cérro, ha Jabneel rupi og̃uahẽ meve Yguasu Mediterráneo peve.

Josué 15:45

Ecron, itáva ha itava’ikuéra reheve:

Juéces 1:18

Gáza, Ascalon, Ecron ha iñunguéra rehe, oĩva umi táva jerekuévo ho’a avei Judayguakuéra poguýpe.

1 Samuel 17:52

Upéi Israel ha Judaygua opu’ã oguerosapukáivo ha omuña Filisteayguakuérape og̃uahẽ meve pe ñu oĩva Ecron táva rokẽ renondépe. Ha Filisteayguakuéra ojekutu ha ojejapiva’ekue ojehecha Saaraim rape rehe Gat ha Ecron peve.

1 Samuel 5:11

Ha oñemondo oñembyatyuka jevy hag̃ua opaite Filisteaygua ruvichápe, ha he’i hikuái: Perahauka jevy Israel Jára karameg̃ua Israel retãme, anítei ñandejuka ñandéve ha ñane retãyguakuérape; Israel Jára po ipohyieterei ñandeári, ha ñemondýiguasu oñemano hag̃uáicha og̃uahẽ Filisteayguakuéra apytépe.

1 Samuel 5:9

Ha og̃uahẽ rire upépe, ñande Ruete po ogueru pe táva ári angekõi tuicháva, ha umi tavaygua michĩ ha tuicháva ojepy’apyeterei, hete henyhẽgui susu’a vaígui.

1 Samuel 6:1

Ñanderuete karameg̃ua oiko Filisteaygua retãme 7 jasy.