1 Samuel 5:1

Ñanderuete Ñe’ẽ Porã 2015

Filisteayguakuéra ogueraha Ñanderuete karameg̃ua Eben-ha-ézer guive Asdod peve.

Referencias Cruzadas

Salmokuéra 78:61

Ha pe karameg̃ua mbojoaju rehegua Ha’e oheja ho’a hag̃ua ambue tetã pópe, ha upéicha heko jajaipa opyta ambue tetãme.

Isaías 20:1

Upe áñope, Sargon, Asíria retã ruvicha, ombou isoldádo aty ruvicha Asdod távape ombopoguy hag̃ua, ha kóva ho’a ipópe.

Amos 3:9

Peikuaauka Asdod ha Egípto retã rogaguasúpe oikóvape, ha peje: Peñembyaty Samária cérrope pehecha hag̃ua ojejopy asytaha opaite ipype oikóva guive, ha ohasa asýta upe oikéva guive ipype.

Apostolkuéra 8:40

Ha Felípe katu ojejohu Azótope, ha ohasávo omombe’u Hesu Crísto evangélio opaite umi táva rupi, og̃uahẽ meve Cesaréape.

Josué 11:22

Umi Anacgua nahembyvéi peve Israel ñemoñarenguéra yvýpe; Gáza, Gat ha Asdodpemante hemby mbovymi.

Josué 13:3

Sihor guive, opytáva Egíptogui, kuarahyresẽ gotýo, Ecron retã rembe’y yvatevogua peve, upéva ojererekóva Canaanguakuéra mba’e ramo, umi 5 mburuvicha Filisteaygua táva, Gáza, Asdod, Ascalon, Gat ha Ecron, avei umi Avgua yvy;

1 Samuel 4:1

Ha Samuel omysaĩ Ñanderuete ñe’ẽ opaite Israelguápe. Umi árape Israel oñorairõ Filisteayguakuéra ndive, ha oñembyaty hikuái Eben-ha-ézerpe, ha Filisteayguakuéra oñembyaty Afécpe.

1 Samuel 4:11

Ha Filisteayguakuéra ogueraha avei Ñanderuete karameg̃ua, ha ojejuka avei mokõive Eli ra’ýpe, Ofni ha Finees.

1 Samuel 4:22

Ha he’i jevy: Israel reko mimbipa opáma, ojeguerahágui Ñanderuete karameg̃ua, ha omano.

1 Samuel 6:1

Ñanderuete karameg̃ua oiko Filisteaygua retãme 7 jasy.

1 Samuel 7:12

Ha Samuel ojapyhy peteĩ ita ha omoĩ Mizpa ha Sen paũme, ha ombohéra Eben-ha-ézer, he’iséva: Ápeve Ñanderuete ñanepytyvõ.