1 Samuel 4:4

Ñanderuete Ñe’ẽ Porã 2015

Ha omondo hikuái tetãyguakuéra ijapytégui, ogueru hag̃ua pe karameg̃ua, oĩva yvága atykuéra Jára querubinkuéra (angelkuéra) ra’ãnga mbytépe ha mokõive Eli ra’y, Ofni ha Finees, omoirũ pe karameg̃ua.

Referencias Cruzadas

2 Samuel 15:24

Sadoc, ha hendive opaite Levi ñemoñarenguéra, omoirũ avei Davídpe ha ogueraha hendivekuéra Ñanderuete karameg̃ua, ipype oĩ Ñanderuete rembiapoukapykuéra; ha omohenda hikuái pe karameg̃ua peteĩ tendápe, Abiatar oikuave’ẽ hag̃ua ha osẽmba peve pe távagui umi omoirũséva Davídpe.

2 Samuel 6:2

Ha David opu’ã oho hag̃ua Baala, Juda peguápe, opaite hetãyguakuéra ndive ogueru hag̃ua upégui Ñanderuete karameg̃ua, oñehenoiháme yvága atykuéra Jára rérape, pe oikóva querubinkuéra pa’ũme.

2 Réyes 19:15

Ha Ezequías oñembo’e Ñanderuetépe, ha he’i: Israel Jára, reikóva querubinkuéra apytépe, Nde añoitéko ore Ruete yvy ape arigua tetãnguéra Jarateéva, nde voi rejapo yvagakuéra ha yvy.

Salmokuéra 80:1

Nde voi ningo Israel rerekua, upévare ehendumína ha eñangarekomína ku ovecha rerekuáicha Israel rehe, ha Nde reguapýva querubinkuéra (angelkuéra) ári ehechaukamína nde reko jajaipa.

Salmokuéra 80:2

Ehechauka nde pu’aka Efrain, Benjamin ha Manases renondépe, ha eju orepytyvõ hag̃ua.

Salmokuéra 99:1

Ñanderuete ningo pe mburuvichaguasuetéva ha upévare tetãnguéra oryryipáta. Iguapyha oĩ umi querubin (ángel ruvicha) ári, pe yvy ovavapáta.

Isaías 37:16

Che Ruete, yvága atykuéra Jára, Israel Jára, reguapýva querubinkuéra ári, Nde añónte ore Ruete ha avei ko tetã Jára; Nde voi umi yvága ha ko yvy apohare.

Malaquías 1:9

Ha ág̃a peñembo’e ramo pende Ruetépe penepytyvõ hag̃ua, Ha’e piko pendeporiahuverekóta gueteri peẽme, pejapo ramo ko’ã mba’evaíva, he’i ángel atykuéra Jára.

Números 4:15

Ha Aaron ha ita’yrakuéra oñu’ãmba rire pe óga jojohuha ha hembiporukuéra ojeguerova hag̃ua, ouva’erã Coat ra’ykuéra ogueraha hag̃ua, ndopokoiva’erã mba’evete rehe, oñemboykémava guive pende Ruetépe g̃uarã, ani hag̃ua omano hikuái. Ko’ãva hína Coat ñemoñarenguéra rembiaporãnguéra, pe óga jojohuhápe.

Números 4:5

Pe ojevataha árape, Aaron ha ita’yrakuéra ouva’erã ha oipe’áta hendágui aosãingo, pe óga jojohuha pegua ha ipype oñu’ãva’erã pe karameg̃ua,

Números 7:89

Ha Moises oikévo jepi pe óga jojohuhápe oñe’ẽ hag̃ua Ñanderuete ndive, Moises ohendu ichupe pe karameg̃ua ape ári guive ha umi mokõi querubin pa’ũ guive ha oñe’ẽ hendive.

1 Samuel 1:24

Ha omombo’o rire ogueraha ichupe, ha peteĩ tóro ra’yrusu 3 áñova, ha 22 lítro trígo ku’i, ha peteĩ víno ryru, ha ogueru Ñanderuete rógape, oĩva Sílope; ha pe mitã imichĩ gueteri.

1 Samuel 14:3

Ha Ahías, Ahitub ra’y, Icabod ryvy, Finees ra’y, Eli remineno oikóva Ñanderuete pa’i ramo Sílope, ogueraha ijehe pe póncho mbyky pa’ikuéra omondéva; ha umi tetãygua ndoikuaái Jonatan oho hague.

1 Samuel 2:22

Eli katu itujaitereíma; ha ohendupa ita’yrakuéra ojapoha ivaíva opaite Israelguakuéra rehe, ha mba’éichapa oke kuñakuéra ndive, omba’apóva pe óga jojohuha rokẽme.