1 Samuel 30:8

Ñanderuete Ñe’ẽ Porã 2015

Ha David omba’eporandu Ñanderuetépe he’ívo: Ahátapa ko’ã ouva’ekue omonda hag̃ua rapykuéri. Ikatútapa ahupity. Ha Ha’e he’i ichupe: Tereho katu ha emuña, añetehápe rehupitýta ichupekuéra, ha reguerupáta umi ojeguerahava’ekuépe tembiguái ramo.

Referencias Cruzadas

Genesis 14:16

Ha oipe’apa jevy ichuguikuéra umi mba’erepyeta, Lot ha umi kuña ha ambue hembiguaikuérape.

2 Samuel 5:19

Upéramo David omba’eporandu Ñanderuetépe, ha he’i: Ajeitýtapa Filisteayguakuéra ári ha remoĩtapa ichupekuéra che pópe. Ha Ñanderuete he’i Davídpe: Tereho, añetehápe Che amoĩta Filisteayguakuérape nde pópe.

2 Samuel 5:23

Ha David omba’eporandu jevy Ñanderuetépe. Ha’e he’i ichupe: Ani rejupítei henonderãme, ejere katu ha ejeity hi’arikuéra hapykuéguio.

Salmokuéra 50:15

Ha cherenói nde jepy’apyha árape, Che roipytyvõta ha nde chemomba’eguasúta.

Salmokuéra 91:15

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Éxodo 15:9

Pe oñemoĩva nderehe he’i ipy’apýpe: Amuñáta ha ajapyhýta imba’e repyeta che ánga hyg̃uatã meve ichuguikuéra; ahekýita che kyse puku che po ojuka hag̃ua ichupekuéra.

Números 27:21

Ha’e toñembo’y pa’i Eleazar renondépe, ha ha’e omba’eporandúta pende Ruetépe Urim ha Tumim rupi; ha mayma Israel rogaguasukuéra taiñe’ẽrendu ha’e he’ívape guive.

Juéces 20:18

Upéi Israel ñemoñarenguéra opu’ã ha oho Ñanderuete rógape omba’eporandu hag̃ua Ñanderuetépe, he’ívo: Mávapa ohóta tenonde oñorãirõ hag̃ua Benjamin ñemoñarenguéra ndive. Ha Ñanderuete he’i: Juda ohóta tenondete.

Juéces 20:23

Oñorãirõ mboyve Israel ñemoñarenguéra katu ojupi Betélpe ha jahe’opópe, omba’eporandu Ñanderuetépe, he’ívo: Roñorãirõ jevýtapa ore pehẽnguekuéra Benjamin ñemoñarenguéra ndive. Ha Ñanderuete he’i ichupekuéra: Tapeho.

Juéces 20:28

Ha Finees, Eleazar ra’y, Aaron ra’y omba’apo henondépe umi árape, ha he’i hikuái: Rosẽ jevýtapa rojeity hag̃ua ore pehẽnguekuéra ári, Benjamin ñemoñarenguéra ári, térãpa ndorohomo’ãvéi. Ha Ñanderuete he’i: Tapeho, ko’ẽ ramo Che amoĩta ichupekuéra pende pópe.

Juéces 8:4

Ha Gedeon ou Jordánpe, ha ohasa rire ha’e ha umi 300 kuimba’e oguerúva hendive, ikane’õmbáma, omuña hetaitégui hesekuéra ija’e’ỹvakuérape.

1 Samuel 10:22

Upéi oñeporandu Ñanderuetépe ne’ĩrapa ou Saul, ha Ñanderuete he’i jevy: Péina ha’e okañy umi cárga (vultokuéra) apytépe.

1 Samuel 14:37

Ha Saul omba’eporandu Ñanderuetépe: Rojupítapa Filisteayguakuéra rapykuéri. Remoĩtapa ichupekuéra Israel pópe. Ñanderuete katu nombohováiri ichupe.

1 Samuel 23:2

Ha David omba’eporandu Ñanderuetépe he’ívo: Ahátapa ajeity hag̃ua Filisteayguakuéra ári. Ha Ñanderuete he’i ichupe: Tereho ha ejeity Filisteayguakuéra ári ha eguenohẽ Keilayguakuérape ipoguikuéra.

1 Samuel 23:4

Upémaramo David omba’eporandu jevy Ñanderuetépe. Ha Ñanderuete he’i jevy ichupe: Epu’ã katu, eguejy Keilápe, Che voi amoĩta Filisteayguakuérape nde pópe.

1 Samuel 28:6

Ha Saul oporanduse Ñanderuetépe, Ha’e katu nopenái hese ike pegua rupi, ni Urim rupi, ni iproféta rupi.

1 Samuel 30:18

Upéicha David oipe’apa jevy opaite mba’e Amalecguakuéra ojapyhyva’ekue ha oipe’a jevy avei ichuguikuéra mokõive hembireko.

1 Samuel 30:19

H a avei opaite umi ojeguerahava’ekue umi mba’eita apytépe, michĩ ha tuicháva, ita’ýra ha itajyrakuéra, oguerupa jevy hikuái Siclágpe.