1 Samuel 3:19

Ñanderuete Ñe’ẽ Porã 2015

Ha Samuel okakuaa, ha Ñanderuetépe oĩ hendive, ha ndohejái ho’a yvy rehe peteĩ iñe’ẽngue.

Referencias Cruzadas

Genesis 21:22

Ha umi ára umívape pe mburuvicha, Abimelec, ha Ficol, isoldádo ruvicha ndive, oñe’ẽ hikuái Abrahámpe, ha he’i: Ñanderuete ningo oĩ nendive opaite mba’e rejapóva guivépe.

Genesis 28:15

Péina ápe, Che aĩ nendive, ha añangarekóta nderehe mamo rehoha rupi, ha rogueru jevýta ko yvýpe nde reho hágui, ndorohejamo’ãigui, rejapopa peve Che ha’eva’ekue guive ndéve.

Genesis 39:2

Ñanderuete omoirũgui Josépe hembiapo ojapóva guive osẽ porãmba ha oiko ijára Egiptoygua rógape.

Genesis 39:3

Ha ijára ohechávo Ñanderuete oĩha hendive, omoĩve ipoguýpe ha Ñanderuete ohovasapa hembiapo ojapóva guivépe.

1 Réyes 8:56

Pemomba’eguasu Ñanderuetépe, Ha’e omombytu’u haguére hetã Israélpe; opaite mba’e ojehúma Ha’e he’i hagueichaite, opaite iñe’ẽme’ẽ he’imava’ekue Móises rupi ojehúma avei.

2 Réyes 10:10

Peikuaákena ko’ág̃a pe ñe’ẽ Ñanderuete he’iva’ekue Acab róga rehe, mba’eve ndo’a reimo’ãi yvy rehe; ha ojehupava’erã Ñanderuete he’imava’ekue hembiguái Elías rupi.

2 Réyes 15:12

Ha péicha oikóma Ñanderuete ñe’ẽ he’iva’ekue Jehúpe: Nde ra’y oguapýta Israel guapyhaguasúpe ha ha’e rire ita’ýra ra’y jepeve.

2 Réyes 22:16

Péicha he’íkuri Ñanderuete: Péina ápe Che agueru ko távape, ha ipype oikóva guive ári, opaite mba’evai he’íva guive pe kuatiañe’ẽme omoñe’ẽva’ekue Juda retã ruvicha renondépe.

Isaías 43:2

Rehasa ramojepe hi’y hetaite rupi, Che aĩta nendive, ha ysyry ndetuicháva nderupity ramojepe nanembojahogamo’ãi. Rehasa ramojepe tata mbyte rupi, nderekaimo’ãi, ha pe tata rendy nanderapymo’ãi.

Isaías 44:26

Che katu amoañete che rembiguái ñe’ẽ, ha ajapopa che proféta ñe’ẽ he’íva guive, ha Che voi ha’éma Jerusalénpe: Che retã oiko jevýta ndepype. Oñemyatyrõmba jevýta ha umi itapere oĩháme oñemopu’ã jevýta hogarãnguéra.

Isaías 55:11

peichaite avei che ñe’ẽ osẽva che jurúgui, ndouveimava’erã che rendápe ojejapo’ỹre che rembipota, ha oikopa peve Che aipotava’ekue guive.

Matéo 1:23

Pehechava’erã peteĩ kuñataĩ heko potĩva imembyva’erã peteĩ mitãkuimba’e hérata Emanuel, he’iséva Ñanderuete oĩ ñanendive.

Lúcas 1:28

Ha pe ángel og̃uahẽ María rendápe ha he’i: Maiteípa, Ñanderuete ndeporavo, nde ningo hovasapyréva opaite kuña apytégui ha opytataha avei nendive.

Lúcas 1:80

Ha pe mitã okakuaa ha imbarete ohóvo ipytu porãme, ha oiko desiértope ojehechauka peve Israel retãyguakuérape.

Lúcas 2:40

Ha pe mitã Hesu okakuaa, imbareteve ha henyhẽve ohóvo arandúgui ha Ñanderuete pu’aka ha mborayhu omoirũ ichupe.

Lúcas 2:52

Hesu okakuaave ha iñaranduve ohóvo, ha Ñanderuete py’aporã oĩ hendive, ha hetãyguakuéra oñe’ẽ porãmba hese.

2 Corintoyguakuérape 13:11

Ipahápe, che hermanokuéra, che ha’ese peẽme: Pevy’aite, peheja ambuekuéra tapenemboheko ha tapenepytyvõ peiko porã jevy hag̃ua Ñanderuete renondépe, upévare peñembopy’apeteĩ jevy ha peiko py’aguapýpe oñondivepa, ha Ñanderuete, pe mborayhu ha py’aguapy Jára, penemoirũta.

Deuteronómio 18:22

Pe proféta oñe’ẽ ramo Ñanderuete rérape, ha ndoikói ramo pe he’iva’ekue, pe ñe’ẽ péva Ñanderuete nde’iriva’ekue; upe proféta oñe’ẽ oñembotuichase reíguinte; ani pekyhyjétei ichugui.

2 Timotéope 4:22

Ñandejára Hesu Crísto, toĩ nde pytu porã ndive. Iporiahuvereko toĩ nendive.

Josué 21:45

Upéicha opaite ñe’ẽ Ñanderuete he’iva’ekue ojapotaha Israelguakuérape g̃uarã, añetehápe Ha’e ojapopa avei (oprometeva’ekue).

Juéces 13:24

Ha pe kuña imemby peteĩ mitãkuimba’e, ha ombohéra ichupe Sanson. Ha pe mitã okakuaa, ha Ñanderuete ohovasa ichupe.

1 Samuel 10:7

Ág̃a ojehu vove ko’ã mba’e techapyrãva, ejapo reñandúva rejapo hag̃ua, Ñanderuete oĩta nendive.

1 Samuel 12:2

Ko’ágã pene retã ruvicha penesãmbyhýta. Ha chetujáma ha che akãrague morotĩmbáma; ha che ra’ykuéra oĩmba penendive, Che poisãmbyhy che mitãrusu guive ko ára kóva peve.

1 Samuel 16:18

Upévo peteĩ hembiguái he’i: Che ahechákuri peteĩ Isai ra’y, peteĩ Belengua, ha’e ombopu porã pe árpa, ha ipy’aguasu, ikatupyry ñorãirõ rembiapópe, oñe’ẽkuaa, hete porã, ijuky ha Ñanderuete oĩ hendive.

1 Samuel 18:12

Saul okyhyje Davídgui ohóvo; Ñanderuete katu oĩ David ndive, Saúlgui katu Ñanderuete ojei.

1 Samuel 18:14

Ha David oiko akãguapypópe, ha opaite mba’e ojapóva guive osẽ porãmba ichupe Ñanderuete oĩgui hendive.

1 Samuel 18:5

Ha opaite tembiapo Saul he’íva guive Davídpe, ha’e ojapo porãite, ha ha’e oiko avei akãguapypópe. Upévare Saul omoĩ ichupe peteĩ isoldádo aty ruvicha ramo, ha mayma tetãygua resápe David ho’a porã, ha Saul rembiguaikuéra resápe avei.

1 Samuel 2:21

Ha Ñanderuete ohovasa Ánape, ha ha’e hyeguasu, ha péicha imemby mbohapy kuimba’e ha mokõi kuña. Ha pe mitãrusu Samuel okakuaa ohóvo Ñanderuete renondépe.

1 Samuel 2:26

Ha pe mitãrusu Samuel okakuaave ohóvo, oiko porã katu Ñanderuetépe ha hetãyguakuéra renondépe.

1 Samuel 9:6

Ha hembiguái he’i ichupe: Eikuaa porãke, ko táva kóvape oiko peteĩ Ñanderuete proféta, kuimba’e herakuã porãva; opaite ñe’ẽ he’íva guive ojehu katuete. Jahána hendápe, ikatu omyesakã porã ñandéve moõpa oĩ umi búrro kuña.